కలం, వెబ్డెస్క్: ఆన్లైన్ యూజర్లకు అలర్ట్. జీమెయిల్, ఇన్స్టాగ్రామ్ (Instagram), ఫేస్బుక్ (FB), నెట్ఫ్లిక్స్, అవుట్లుక్, యాహూ తదితర ఫ్లాట్ఫ్లామ్స్కు సంబంధించి 14.9కోట్ల పాస్వర్డ్లు, లాగిన్స్ లీకయ్యాయి (Passwords Leak). ఈ మేరకు సైబర్ సెక్యూరిటీ సంస్థ ఎక్స్ప్రెస్ వీపీఎన్ ఓ రిపోర్ట్లో వెల్లడించింది. సైబర్ సెక్యూరిటీ ఎక్స్పర్ట్ జెరేమీ ఫౌలర్ ఈ నివేదిక తయారుచేశారు. దీని ప్రకారం పబ్లిక్ డొమైన్లో వివిధ ఖాతాలకు సంబంధించి 1,49,404,754 లాగిన్లు, పాస్వర్డ్లు ఉన్నాయి. మొత్తం 96జీబీ పరిమాణంలోని ఈ డేటాకు ఎలాంటి రక్షణ/ఎన్క్రిప్షన్ లేకపోవడం ఆందోళన కలిగిస్తోంది.
లీకైన డేటాలో జీమెయిల్కు సంబంధించి 4.8కోట్లు అకౌంట్లు, యాహూ–40లక్షలు, ఫేస్బుక్–1.7కోట్లు, ఇన్స్టా – 65లక్షలు, నెట్ఫ్లిక్స్–34లక్షలు, అవుట్లుక్కు చెందిన 15లక్షల ఖాతాల లాగిన్, పాస్వర్డ్లు ఉన్నాయి (Passwords Leak). పబ్లిక్ డొమైన్లో ఉన్న ఈ వివరాలకు ఎలాంటి సెక్యూరిటీ లేకపోవడంతో, దీన్ని ఎవరైనా హ్యాకర్స్ తీసుకుంటే ప్రమాదకరమని నివేదిక హెచ్చరిస్తోంది. పబ్లిక్ డొమైన్లో ఉన్నవాటిలో ‘.gov’ ఖాతాలు, బ్యాంకింగ్, క్రెడిట్ కార్డ్లు, ఫైనాన్షియల్ సర్వీసెస్ అకౌంట్లు ఉండడం ఆందోళనకరమని చెబుతోంది. ఆర్థిక నేరాలే కాకుండా ప్రజల వ్యక్తిగత భద్రత, దేశ రక్షణకు కూడా ముప్పని హెచ్చరిస్తోంది. కాగా, నివేదికలో తెలిపిన సంస్థలను ఈ విషయమై సంప్రదించినా సమాధానం లేదని జెరేమీ ఫౌలర్ అంటున్నారు.
Read Also: 40 ఏండ్లకే ఇంటికి.. టెకీలకు కంపెనీల షాక్!
Follow Us On: Instagram
