కలం, వెబ్ డెస్క్ : ఆంధ్రప్రదేశ్ రాజధాని అమరావతి (Amaravati) ప్రాంతంలో కీలకమైన రెండో విడత భూ సమీకరణ జనవరి 3 న ప్రారంభం కానుంది. రెండో విడతలో భాగంగా ఏడు గ్రామాలు, తొమ్మిది యూనిట్ల నుండి భూమిని సమీకరించనున్నారు. దీని ద్వారా రాష్ట్ర ప్రభుత్వం మొత్తం 16,666.78 ఎకరాలను సేకరించనుంది. దీనిలో భాగంగా అధికారిక నోటిఫికేషన్ జారీ చేసిన తర్వాత దరఖాస్తులు స్వీకరించబడతాయి. గతంలో రాజధాని పనులు నిలిచిపోయినప్పుడు తీవ్ర ఆందోళన చెందిన రైతులు, ఇప్పుడు మళ్లీ పనులు శరవేగంగా ప్రారంభం కావడంతో ఈ రెండో విడత ప్రక్రియపై సానుకూలంగా స్పందిస్తున్నట్లు సీఆర్డీఏ వర్గాలు చెబుతున్నాయి.
రెండో విడతలో భాగంగా ఒప్పందాలు కుదుర్చుకోవడానికి ముందు జీఐఎస్ మ్యాపింగ్, క్షేత్రస్థాయి సర్వేలు నిర్వహించబడతాయని ఈ ప్రక్రియ ఫిబ్రవరి 28, 2026 నాటికి పూర్తి చేయాలని అధికారులు లక్ష్యంగా పెట్టుకున్నట్లు సమాచారం. కొత్తగా సమీకరించిన భూమిని ఇప్పటికే ఉన్న రాజధాని భూ బ్యాంక్కు జోడిస్తారు..ఈ చర్య వలన రైతులలో విశ్వాసాన్ని పెంచడంతో పాటు అమరావతి (Amaravati) ప్రాంతం అంతటా రియల్ ఎస్టేట్ కార్యకలాపాలను పునరుద్ధరిస్తుందని భావిస్తున్నారు.
Read Also: ఏం తమాషా చేస్తున్నావా? మహిళతో టీడీపీ ఎమ్మెల్యే వాగ్వాదం
Follow Us On: Sharechat
