నీ కాళ్లు మొక్కుతా వదిలేయండి సార్.. పోలీసులకు చుక్కలు చూపించిన మందుబాబు

కలం, వెబ్​ డెస్క్​ : న్యూఇయర్​ వేళ ఫుల్లుగా మద్యం తాగిన కొందరు చిత్రవిచిత్ర విన్యాసాలు చేశారు. డ్రంక్​ అండ్​ డ్రైవ్​ (Drunk and Drive) లో పోలీసులకు చుక్కలు చూపించారు. హైదరాబాద్​ లోని నాంపల్లిలో ప్రాంతంలో నిర్వహించిన డ్రంక్​ అండ్ డ్రైవ్​ లో ఓ యువకుడు దొరికిపోయి నానా హంగామా సృష్టించాడు. తనను వదిలేయాలని పోలీసుల కాళ్లు పట్టుకున్నాడు. బండి లేకుండా వెళ్తే ఇంట్లో వాళ్లు తిడతారని బోరున విలపించాడు. అంతే కాకుండా బండి లేకుండా వెళ్తే ఇంట్లో కొడతారని గోడకు తలబాదుకున్నాడు.

ట్రాఫిక్​ ఎస్సై కాళ్లు పట్టుకుని వదిలేయండి సార్​ అంటూ బతిమిలాడుకున్నాడు. ఇందుకు సంబంధించిన వీడియో సోషల్​ మీడియాలో వైరల్​ (Viral Video) అవుతోంది. కాగా, డిసెంబర్​ 31న హైదరాబాద్​ తో పాటు తెలంగాణ వ్యాప్తంగా పోలీసులు ప్రత్యేకంగా డ్రంక్​ అండ్​ డ్రైవ్(Drunk and Drive)​ చేపట్టారు. హైదరాబాద్​ లో చెక్​ పోస్టులు ఏర్పాటు చేసి తనిఖీలు నిర్వహించి వేల మందిని పట్టుకున్నారు. కొన్ని చోట్ల మద్యం మత్తులో పోలీసులతో మందుబాబులు గొడవలకు దిగారు.

డ్రంక్ అండ్ డ్రైవ్ తనిఖీల్లో నాంపల్లి పోలీసులకు చుక్కలు చూపించిన యువకుడు pic.twitter.com/Fp7vs3cjxc

— Telugu Scribe (@TeluguScribe) January 1, 2026

Read Also: డ్రగ్స్ తీసుకుని డీజే ఆపరేట్.. ఐదుగురి అరెస్ట్

Follow Us On: Sharechat