కలం, వెబ్ డెస్క్ : ఆంధ్రప్రదేశ్ గవర్నర్ జస్టిస్ ఎస్. అబ్దుల్ నజీర్ (AP Governor Abdul Nazeer) శనివారం ఉదయం అస్వస్థతకు గురయ్యారు. తీవ్రమైన కడుపునొప్పితో ఆయన బాధపడటంతో రాజ్భవన్ సిబ్బంది వెంటనే స్పందించి, విజయవాడ తాడేపల్లిలోని మణిపాల్ ఆస్పత్రికి తరలించారు. ప్రస్తుతం నిపుణులైన వైద్యుల బృందం ఆయనకు అత్యవసర చికిత్స అందిస్తోంది.
గవర్నర్ (AP Governor) ఆరోగ్య పరిస్థితిని పర్యవేక్షిస్తున్న వైద్యులు, ప్రాథమిక పరీక్షల అనంతరం ఆయన ఆరోగ్యం ప్రస్తుతం స్థిరంగానే ఉందని వెల్లడించారు. కడుపునొప్పికి గల కారణాలను గుర్తించేందుకు వైద్యులు డయాగ్నోస్టిక్ పరీక్షలు నిర్వహిస్తున్నారు. గ్యాస్ట్రిక్ సమస్య లేదా మరేదైనా ఇన్ఫెక్షన్ వల్ల ఈ నొప్పి వచ్చిందా అనే కోణంలో విచారణ జరుపుతున్నారు. గవర్నర్ ఆస్పత్రిలో చేరారనే విషయం తెలియగానే రాష్ట్రంలోని పలువురు రాజకీయ ప్రముఖులు ఆందోళన వ్యక్తం చేశారు. ఆయన త్వరగా కోలుకోవాలని ఆకాంక్షిస్తూ సోషల్ మీడియా వేదికగా సందేశాలు పంపుతున్నారు. గవర్నర్ ప్రస్తుత ఆరోగ్య స్థితిగతులపై మరిన్ని వివరాలను వెల్లడిస్తూ రాజ్భవన్ వర్గాలు త్వరలోనే అధికారిక హెల్త్ బులెటిన్ విడుదల చేసే అవకాశం ఉంది.
Read Also: పార్టీ జెండా ఆవిష్కరించిన కల్వకుంట్ల కవిత
Follow Us On : WhatsApp
