కలం, స్పోర్ట్స్ : ఐపీఎల్ 2026లో భాగంగా గుజరాత్ టైటాన్స్ (Gujarat Titans)తో జరుగుతున్న మ్యాచ్లో పంజాబ్ కింగ్స్ (Punjab Kings) బౌలర్లు కట్టుదిట్టంగా బౌలింగ్ చేసి ప్రత్యర్థిని తక్కువ స్కోరుకే పరిమితం చేశారు. నిర్ణీత 20 ఓవర్లలో గుజరాత్ టైటాన్స్ (Gujarat Titans) 6 వికెట్ల నష్టానికి 162 పరుగులు చేసింది. ఇప్పుడు పంజాబ్ కింగ్స్ (Punjab Kings) గెలవాలంటే 163 పరుగుల లక్ష్యంతో బరిలోకి దిగనుంది. పంజాబ్ బౌలర్లలో విజయ్కుమార్ వైశాఖ్ అద్భుత ప్రదర్శన చేశాడు. తన 4 ఓవర్లలో 34 పరుగులిచ్చి 3 కీలక వికెట్లు (గ్లెన్ ఫిలిప్స్, వాషింగ్టన్ సుందర్, షారుఖ్ ఖాన్) పడగొట్టి గుజరాత్ మిడిల్ ఆర్డర్ నడ్డి విరిచాడు. మరోవైపు స్పిన్ మాంత్రికుడు యుజ్వేంద్ర చాహల్ 4 ఓవర్లలో 28 పరుగులిచ్చి 2 వికెట్లు (గిల్, బట్లర్) తీసి గుజరాత్ స్కోరు బోర్డు వేగాన్ని తగ్గించాడు.
గుజరాత్ బ్యాటర్లలో కెప్టెన్ శుభ్మన్ గిల్ (39), జోస్ బట్లర్ (38) రాణించినప్పటికీ భారీ స్కోరు సాధించలేకపోయారు. చివర్లో రాహుల్ తెవాటియా (11*) మెరుపులు మెరిపించే ప్రయత్నం చేశాడు. పంజాబ్ బౌలర్లలో విజయ్ 3, చాహల్ 2, జాన్సెన్ 1 వికెట్లు తీశారు. కాగా అర్ష్దీప్ మాత్రం 4 ఓవర్లు వేసి 42 పరుగులు సమర్పించుకున్నాడు. మహారాజా యదవింద్ర సింగ్ స్టేడియంలో పిచ్ బౌలర్లకు సహకరిస్తున్నట్లు కనిపిస్తోంది. అయితే పంజాబ్ కింగ్స్ బ్యాటర్లు నిలకడగా ఆడితే 163 పరుగుల లక్ష్యం పెద్ద కష్టమేమీ కాదు. పంజాబ్ ఓపెనర్లు ఇచ్చే ఆరంభం మీద ఈ మ్యాచ్ ఫలితం ఆధారపడి ఉంటుంది.
