దేశ రాజకీయాల్లో కల్వకుంట్ల కుటుంబం సంపన్నమైనది : వేముల

కలం, నకిరేకల్: దేశంలోనే సంపన్నమైన రాజకీయ కుంటుంబం.. కల్వకుంట్ల కుటుంబం అని ప్రభుత్వ విప్​, ఎమ్మెల్యే వేముల వీరేశం (Vemula Veeresham) ఆరోపించారు. గురువారం హైదరాబాద్‌లోని సీఎల్పీ కార్యాలయంలో మిర్యాలగూడ ఎమ్మెల్యే బత్తుల లక్ష్మారెడ్డితో కలసి ఆయన విలేకరుల సమావేశంలో మాట్లాడారు. సీఎం రేవంత్ రెడ్డి పర్యటనతో సిరిసిల్ల పట్టణం పులకించిపోయిందని, ఆయన పర్యటనకు ప్రజల నుంచి విశేష ఆదరణ లభించిందని వీరేశం అన్నారు. సీఎం రేవంత్ పక్కా రైతు, పేద, దళిత పక్షపాతి అని కొనియాడారు. కాంగ్రెస్ ప్రభుత్వానికి లభిస్తున్న ప్రజాదరణ చూసి బీఆర్ఎస్ వర్కింగ్ ప్రెసిడెంట్ కేటీఆర్‌లో ఆందోళన మొదలైందని ఎద్దేవా చేశారు. పదేళ్ల పాలనలో సిరిసిల్లకు ఏం చేశారో కేటీఆర్ ప్రజలకు సమాధానం చెప్పాలని డిమాండ్ చేశారు. 2014 నుంచి 2023 వరకు సిరిసిల్లలో పలువురు చేనేత కార్మికులు ఆత్మహత్యలు చేసుకున్నా, అప్పటి బీఆర్ఎస్ ప్రభుత్వం వారి కుటుంబాలకు అండగా నిలవలేదని ఆరోపించారు. చివరికి చేనేత సహకార సంఘాల ఎన్నికలను కూడా సక్రమంగా నిర్వహించలేదని మండిపడ్డారు.

ఉద్యమం పేరుతో ప్రజల ఆకాంక్షలను వాడుకుని, రాష్ట్ర సంపదను దోచుకుని తెలంగాణను అప్పులపాలు చేశారని విమర్శించారు. గత పాలనలో దళితులు, బీసీలకు తీవ్ర అన్యాయం జరిగిందన్నారు. కాంగ్రెస్ ప్రభుత్వం అధికారంలోకి వచ్చిన స్వల్ప కాలంలోనే ఇచ్చిన హామీలను ఒక్కొక్కటిగా అమలు చేస్తోందని తెలిపారు. ఇందిరమ్మ ఇండ్లు, 200 యూనిట్ల ఉచిత విద్యుత్, సన్నబియ్యం, కొత్త రేషన్ కార్డులు, మహిళలకు ఉచిత బస్సు ప్రయాణం వంటి సంక్షేమ కార్యక్రమాలను సమర్థవంతంగా అమలు చేస్తున్నామని చెప్పారు. రూ.200 కోట్లతో యంగ్ ఇండియా ఇంటిగ్రేటెడ్ స్కూల్ నిర్మాణం చేపట్టి యువతకు మెరుగైన విద్యను అందిస్తున్నామని వెల్లడించారు. వచ్చే ఎన్నికల్లో సిరిసిల్ల ప్రజలు కాంగ్రెస్‌ను గెలిపిస్తే, ఆ ప్రాంత అభివృద్ధికి ప్రత్యేక ప్రాధాన్యత ఇవ్వడంతో పాటు మంత్రి పదవి ఇస్తామని సీఎం రేవంత్ రెడ్డి ఇప్పటికే ప్రకటించారని గుర్తుచేశారు. తెలంగాణ సంక్షేమమే ధ్యేయంగా ముందుకు సాగుతున్న ప్రజా ప్రభుత్వానికి ప్రజలు అండగా నిలవాలని కోరారు.

మ‌రిన్ని వార్త‌ల కోసం మా వాట్స‌ప్ ఛాన‌ల్ ఫాలో అవ్వండి

లేటెస్ట్ న్యూస్‌

Read More Latest News >>

ఎక్స్‌క్లూజివ్‌

Read More Exclusive Stories >>