కలం, వరంగల్ బ్యూరో : ఆర్టిజెన్స్ కార్మికుల సమ్మె ప్రభావంతో కాకతీయ థర్మల్ పవర్ ప్రాజెక్టు (KTPP)లో విద్యుత్ ఉత్పత్తికి అంతరాయం ఏర్పడింది. భూపాలపల్లి జిల్లాలోని గణపురం మండలం చెల్పూర్ లో కేటీపీపీలో మొదటి దశ 500 మెగావాట్లు, రెండో దశ 600 మెగావాట్ల విద్యుత్ ప్లాంట్లు నడుస్తున్నాయి. ఈ రెండు యూనిట్ల నుంచి 16.4 మిలియన్ యూనిట్ల విద్యుత్ ఉత్పత్తి అవుతోంది. ఈ నేపథ్యంలో ఆర్టిజెన్స్ కార్మికులు తమను రెగ్యులర్ ఉద్యోగులుగా గుర్తించాలని కొంతకాలంగా డిమాండ్ చేస్తున్నారు. యాజమాన్యం నిర్లక్ష్యం వహిస్తున్న క్రమంలో వారం రోజులుగా సమ్మెకు దిగారు. దీంతో ప్రాజెక్ట్ లో బ్రేక్ డౌన్ కావడంతో 500 మెగావాట్ల విద్యుత్ ఉత్పత్తి నిలిచిపోయింది. ఈ మేరకు అధికారులు కార్మికులతో చర్చలు జరుపుతున్నారు.
