కలం, వెబ్ డెస్క్ : ప్రయోగ్ రాజ్ మహాకుంభమేళాలో పూసలు అమ్ముతూ సోషల్ మీడియా ద్వారా పాపులర్ అయిన మోనాలిసా (Monalisa) పలు సినిమాల్లో నటిస్తోంది. సెలబ్రెటీగా మారిపోయిన ఈ పూసాల పాప ఇటీవల ప్రియుడు ఫర్మాన్ ఖాన్ ను ప్రేమ పెళ్లి చేసుకుని అందరికీ షాకిచ్చింది. మోనాలిసా మైనర్ అని ఆమె కుటుంబ సభ్యులు ఆరోపించడంతో ఈ పెళ్లి వివాదస్పదమయ్యింది. కుటుంబ సభ్యులు ఇచ్చిన ఫిర్యాదుతో మోనాలిసా మైనర్ అని జాతీయ షెడ్యూల్డ్ కులాల కమిషన్ (NCST) నిర్ధారించింది. దీంతో మైనర్ ను వివాహం చేసుకోవడమే కాకుండా, ఆమెను బలవంతంగా తీసుకెళ్లారన్న ఆరోపణలతో ఫర్మాన్ ఖాన్ పై పోలీసులు పోక్సో (POCSO) చట్టం కింద కేసు నమోదు చేశారు. అయితే, ఈ ఆరోపణలను సవాలు చేస్తూ ఫర్మాన్ కోర్టును ఆశ్రయించగా… అతనికి కేరళ హైకోర్టులో భారీ ఊరట లభించింది. ఈ కేసులో మే 20వ తేదీ వరకు ఫర్మాణ్ ఖాన్ ను అరెస్ట్ చేయవద్దని, అతనికి రక్షణ కల్పించాలని పోలీసులకు ఆదేశాలిస్తూ కోర్టు మధ్యంతర ఉత్తర్వులు జారీ చేసింది.
ఇదిలాఉంటే మోనాలిసా (Monalisa) కొన్ని రోజులుగా కనిపించడం లేదని ఫర్మాన్ ఖాన్ బాంబ్ పేల్చాడు. ఈ మేరకు తన భార్య ఆచూకీ తెలియడం లేదని ఆదివారం ఓ సెల్ఫీ వీడియో రిలీజ్ చేశాడు. ఈ విషయం ప్రస్తుతం సోషల్ మీడియాలో తీవ్ర చర్చనీయాంశం అవుతోంది. కిడ్నాప్ ఆరోపణలు ఎదుర్కొంటున్న వేళ మోనాలిసా మిస్సింగ్ అంటూ భర్త ఫర్మాన్ ఖాన్ వీడియో రిలీజ్ చేయడం అనేక అనుమానాలకు తావిస్తోంది.
Read Also: ప్రభుత్వ ఉద్యోగం పేరుతో కోట్ల కట్నం డిమాండ్.. ఘరానా మోసగాడి అరెస్ట్
Follow Us On : WhatsApp
