కలం, వెబ్ డెస్క్ : పాన్ ఇండియా స్టార్ ప్రభాస్(Prabhas) హీరోగా తెరకెక్కుతున్న లేటెస్ట్ మూవీ ‘ది రాజాసాబ్‘(The Rajasaab). టాలెంటెడ్ డైరెక్టర్ మారుతి(Maruthi) తెరకెక్కించిన ఈ బిగ్గెస్ట్ మూవీపై ఫ్యాన్స్ లో భారీ అంచనాలు ఉన్నాయి. కామెడీ సినిమాలతో తనకంటూ సూపర్ క్రేజ్ తెచ్చుకున్న మారుతి మొదటిసారి ప్రభాస్ వంటి పాన్ ఇండియా స్టార్ తో సినిమా చేశాడు. ఈ సినిమాలో ప్రభాస్ సరసన నిధి అగర్వాల్, మాళవిక మోహనన్, రిద్ధీ కుమార్ హీరోయిన్లుగా నటిస్తున్నారు. భారీ గ్రాఫిక్స్, పాన్ ఇండియా రేంజ్ మేకింగ్తో రూపొందుతున్న ఈ సినిమా ఇప్పటికే ప్రేక్షకుల్లో సూపర్ హైప్ను క్రియేట్ చేసింది. రీసెంట్ గా రిలీజ్ అయిన ట్రైలర్ కూడా సినిమాపై అంచనాలను పెంచేసింది. దీంతో ఈ సినిమా కోసం ప్రభాస్ ఫ్యాన్స్ ఎంతో ఆసక్తిగా ఎదురుచూస్తున్నారు. అయితే రీలీజ్ డేట్ దగ్గరపడుతుండటంతో మేకర్స్ రీసెంట్ గా ప్రమోషన్లను ప్రారంభించారు. ఈ క్రమంలో చిత్ర యూనిట్ వరుస ఇంటర్వ్యూస్ లో పాల్గొంటూ సినిమాకు సంబంధించి మరిన్ని ఆసక్తికర విషయాలను తెలియజేస్తున్నారు.
ఈ నేపథ్యంలో దర్శకుడు మారుతి(Maruthi) ఇటీవల ఓ ఇంటర్వ్యూలో పాల్గొనగా, అనుకోకుండా సినిమాకు సంబంధించి బిగ్ అప్డేట్ బయటపెట్టారు. ఆ ఇంటర్వ్యూలో యాంకర్ ‘ది రాజాసాబ్’ ట్రైలర్లో ప్రభాస్ జోకర్ లుక్లో కనిపించిన విషయం గురించి ప్రశ్నించారు. సాధారణంగా అలాంటి పాత్రలను మళ్లీ చేయడానికి స్టార్ హీరోలు ముందుకు రారని, అలాంటిది ప్రభాస్ను ఆ లుక్ కోసం ఎలా ఒప్పించారు అని అడిగారు. దీనికి మారుతి బదులిస్తూ ప్రభాస్(Prabhas) జోకర్ లుక్లో కనిపించడానికి పెద్ద కథే ఉంది. ఆ కథ మొత్తం “ది రాజాసాబ్ పార్ట్ 2” లో ఉంటుందని చెప్పుకొచ్చారు. ఆ లుక్ వెనుక వున్న కథను ప్రభాస్కు వివరించగా ఆయన వెంటనే ఒప్పుకున్నారని మారుతి చెప్పుకొచ్చారు. ఈ ఒక్క మాటతో మారుతి అనుకోకుండా ‘ది రాజాసాబ్’కు సీక్వెల్ కూడా ఉంటుందనే విషయాన్ని బయట పెట్టేశారు. ప్రస్తుతం ఈ న్యూస్ సోషల్ మీడియాలో బాగా వైరల్ అవుతోంది.
