కలం, స్పోర్ట్స్ : ఐపీఎల్ 2026 (IPL 2026) ఆరో మ్యాచ్లో భాగంగా నేడు కోల్కతా నైట్ రైడర్స్, సన్రైజర్స్ హైదరాబాద్ (KKR vs SRH) జట్లు తలపడనున్నాయి. ఈడెన్ గార్డెన్స్ వేదికగా రాత్రి 7:30 గంటలకు ప్రారంభం కానున్న ఈ మ్యాచ్లో రెండు జట్లు తమ తొలి విజయం కోసం తీవ్రంగా శ్రమిస్తున్నాయి. ఈ టోర్నీలో తమ మొదటి మ్యాచ్ల్లో రెండు జట్లు ఓటమిని చవిచూశాయి.
ముంబై ఇండియన్స్తో జరిగిన మ్యాచ్లో కేకేఆర్ మొదట బ్యాటింగ్ చేసి 220 పరుగులు చేసింది. కెప్టెన్ అజింక్య రహానే 67 పరుగులతో, అంగ్క్రిష్ రఘువంశీ 51 పరుగులతో మెరిసినా, ముంబై బ్యాటర్లు ఆ లక్ష్యాన్ని సులువుగా ఛేదించడంతో కోల్కతాకు ఓటమి తప్పలేదు.
మరోవైపు, సన్రైజర్స్ హైదరాబాద్ కూడా బెంగళూరుతో జరిగిన మ్యాచ్లో 201 పరుగులు చేసినప్పటికీ ఓడిపోయింది. కెప్టెన్ ఇషాన్ కిషన్ 80 పరుగులతో రాణించగా, అనికేత్ వర్మ 43 పరుగులు చేశారు. అయితే ఆర్సీబీ కేవలం 15.4 ఓవర్లలోనే లక్ష్యాన్ని చేరుకుంది.
పిచ్, వాతావరణం:
కోల్కతాలోని ఈడెన్ గార్డెన్స్ పిచ్ సాధారణంగా భారీ స్కోర్లకు వేదికవుతుంది. పిచ్పై కొద్దిగా గడ్డి ఉండటం వల్ల బంతి కాస్త ఆగే అవకాశం ఉందని నిపుణులు చెబుతున్నారు. వాతావరణం విషయానికి వస్తే, ఆకాశం స్పష్టంగా ఉంటుందని, వర్షం పడే అవకాశం లేదని తెలుస్తోంది. ఉష్ణోగ్రత సుమారు 26 డిగ్రీల సెల్సియస్గా ఉండి, కాస్త తేమతో కూడిన వాతావరణం ఉంటుంది.
తుది జట్లు (KKR vs SRH) (అంచనా):
కోల్కతా నైట్ రైడర్స్: ఫిన్ అలెన్, అజింక్య రహానే (కెప్టెన్), కామెరాన్ గ్రీన్, అంగ్క్రిష్ రఘువంశీ, రింకూ సింగ్, రమణ్దీప్ సింగ్, అనుకుల్ రాయ్, సునీల్ నరైన్, వైభవ్ అరోరా, వరుణ్ చక్రవర్తి, బ్లెస్సింగ్ ముజరబానీ. (ఇంపాక్ట్ ప్లేయర్: కార్తీక్ త్యాగి).
సన్రైజర్స్ హైదరాబాద్: అభిషేక్ శర్మ, ట్రావిస్ హెడ్, ఇషాన్ కిషన్ (కెప్టెన్), హెన్రిచ్ క్లాసెన్, నితీష్ కుమార్ రెడ్డి, అనికేత్ వర్మ, సలీల్ అరోరా, హర్ష్ దూబే, ఈషాన్ మలింగ, డేవిడ్ పేన్, హర్షల్ పటేల్. (ఇంపాక్ట్ ప్లేయర్: జయదేవ్ ఉనద్కత్/లియామ్ లివింగ్స్టోన్).
Read Also: 48 గంటల్లోనే మరో బాంబ్ పేల్చిన ఒరాకిల్.. భారీగా లేఆఫ్స్
Follow Us On: Instagram
