కలం, వెబ్ డెస్క్: 2027 రిక్రూట్మెంట్ (Recruitment) సంవత్సరానికి సంబంధించి 13 ఫిబ్రవరి 2026న విడుదలైన భారత ఆర్మీ (Indian Army) నియామక నోటిఫికేషన్ గడువు పొడిగించబడింది. అభ్యర్థుల సౌకర్యార్థం గతంలో ఉన్న ఏప్రిల్ 1 చివరి తేదీని ఏప్రిల్ 10, 2026 వరకు పెంచుతూ నిర్ణయం తీసుకున్నారు. దరఖాస్తు ప్రక్రియను పూర్తి చేయలేకపోయిన యువతకు గరిష్ట అవకాశాన్ని కల్పించడమే ఈ పొడిగింపు ముఖ్య ఉద్దేశ్యం. ఆసక్తి గల అభ్యర్థులు వయోపరిమితి, విద్యార్హతలు, శారీరక ప్రమాణాలకు సంబంధించిన పూర్తి వివరాలను www.joinindianarmy.nic.in వెబ్సైట్లో తనిఖీ చేసుకుని, గడువు ముగిసేలోపు తమ దరఖాస్తులను పూర్తి చేయాలని సూచించారు.
భారత సైన్యం (Indian Army) పూర్తిగా స్వయంచాలక, నిష్పక్షపాత, పారదర్శక ప్రక్రియ ద్వారా దేశ యువతకు సమాన అవకాశాలను అందించడానికి కట్టుబడి ఉంది. ఈ నియామక ప్రక్రియ కేవలం మెరిట్ ప్రాతిపదికన మాత్రమే జరుగుతుంది. ఎంపిక విధానంలో ఎలాంటి మధ్యవర్తులకు ప్రమేయం ఉండదని ఆర్మీ స్పష్టం చేసింది. దళారులను నమ్మి మోసపోవద్దని సూచించింది.
Read Also: హెరిటేజ్ శాఖ పరిశీలనలో ములుగు డాల్మెన్ సమాధులు
Follow Us On : WhatsApp
