కలం, స్పోర్ట్స్: ఆసియా గేమ్స్ (Asian Games) లో భారత షూటర్లు మరోసారి సత్తా చాటారు. 10 మీటర్ల ఎయిర్ రైఫిల్ (10m Air Rifle) వ్యక్తిగత విభాగంలో భారత్కు రెండు పతకాలు దక్కాయి. హిమాంశు ధిల్లాన్ (Himanshu Dhillon) సిల్వర్ మెడల్ సాధించగా.. రుద్రాంక్ష్ పాటిల్ బ్రాంజ్ మెడల్ గెలిచాడు. దీంతో షూటింగ్లో భారత్ ఖాతాలో మరో రెండు పతకాలు చేరాయి. ఫైనల్లో హిమాంశు ఆరంభం నుంచే నిలకడగా రాణించాడు. ఏడు సిరీస్ల ఫైనల్లో మొత్తం 252.4 పాయింట్లు సాధించాడు. దీంతో రెండో స్థానంలో నిలిచి సిల్వర్ సొంతం చేసుకున్నాడు. చైనాకు చెందిన ఒలింపిక్ ఛాంపియన్ షెంగ్ లిహావో 254.2 పాయింట్లతో గోల్డ్ మెడల్ గెలిచాడు.
రుద్రాంక్ష్ (Rudrankksh Patil) కూడా ఫైనల్లో మంచి ప్రదర్శన చేశాడు. అతను 230.9 పాయింట్లతో మూడో స్థానంలో నిలిచాడు. దీంతో బ్రాంజ్ మెడల్ అందుకున్నాడు. క్వాలిఫికేషన్లోనూ రుద్రాంక్ష్ మూడో స్థానంలో నిలిచాడు. హిమాంశు ఏడో స్థానంతో ఫైనల్కు అర్హత సాధించాడు. అంతకుముందు ఇదే రోజు హిమాంశు, రుద్రాంక్ష్, పార్త్ మానే కలిసి పురుషుల 10 మీటర్ల ఎయిర్ రైఫిల్ (10m Air Rifle) టీమ్ ఈవెంట్లో సిల్వర్ గెలిచారు. భారత్ 1890.1 పాయింట్లు సాధించింది.
చైనా 1899 పాయింట్లతో గోల్డ్ మెడల్ దక్కించుకుంది. దక్షిణ కొరియా బ్రాంజ్ సాధించింది. టీమ్ ఈవెంట్లో సిల్వర్ తర్వాత.. వ్యక్తిగత విభాగంలో హిమాంశు సిల్వర్, రుద్రాంక్ష్ బ్రాంజ్ సాధించారు. దీంతో పురుషుల 10 మీటర్ల ఎయిర్ రైఫిల్ విభాగంలోనే భారత్కు మూడు పతకాలు వచ్చాయి. రుద్రాంక్ష్కు ఇది మరో ఏషియన్ గేమ్స్ పతకం. గత ఏషియన్ గేమ్స్లో భారత పురుషుల 10 మీటర్ల ఎయిర్ రైఫిల్ టీమ్లో భాగంగా అతను గోల్డ్ మెడల్ సాధించాడు.
మరోవైపు హిమాంశుకు ఏషియన్ గేమ్స్లో ఇదే తొలి 10 మీటర్ల ఎయిర్ రైఫిల్ వ్యక్తిగత ఫైనల్. తొలి ఫైనల్లోనే సిల్వర్ మెడల్ సాధించాడు. షూటింగ్లో భారత్కు ఈరోజు వరుసగా పతకాలు రావడంతో భారత బృందం ఖాతాలో మరిన్ని మెడల్స్ చేరాయి.
Also Read : గోల్స్ వర్షం.. రికార్డు మ్యాచ్తో భారత్ జోరు!
Follow Us On: X(Twitter)
