కలం డెస్క్ : రాష్ట్రంలోని గ్రామీణ స్థానిక సంస్థలకు ఎన్నికలు(Panchayat Elections) నిర్వహించేందుకు రాష్ట్ర ఎన్నికల సంఘం షెడ్యూలు ప్రకటించిన వెంటనే ఏ గ్రామంలో పోలింగ్ ఎప్పుడు జరుగుతుందో గెజిట్ జారీ చేసింది. కొత్తగూడెం జిల్లాలోని పంచాయతీల్లో ఎస్టీల జనాభా ఎక్కువ కావడంతో ఆ జిల్లాలో ఒక్కటి కూడా బీసీలకు దక్కలేదు. మిగిలిన 30 జిల్లాల్లో ఎన్నెన్ని గ్రామ పంచాయతీల్లో బీసీ రిజర్వేషన్(BC Reservations) అమలు చేస్తున్నదీ ఎన్నికల సంఘం జాబితా తయారుచేసింది. అత్యధికంగా గద్వాల జిల్లాలో 27.541%, సిద్దిపేటలో 26.772%, నారాయణపేటలో 26.471%, కరీంనగర్‌లో 26.415%, పెద్దపల్లిలో 26.236%, జగిత్యాలలో 25.455%, భువనగిరిలో 24.590% చొప్పున కేటాయించింది. మొత్తం 12,735 గ్రామ పంచాయతీల్లో 2,176 బీసీలకు కేటాయించినట్లు వివరించింది. అతి తక్కువగా ములుగు జిల్లాలో 3.425%, మహబూబాబాద్‌లో 3.942%, ఆదిలాబాద్‌లో 4.863% ఆసిఫాబాద్‌లో 5.970%, మంచిర్యాలలో 7.516%, ఖమ్మంలో 9.457% చొప్పున బీసీ రిజర్వేషన్లు ఖరారయ్యాయి.
BC Reservations | బీసీలకు రిజర్వు చేసిన గ్రామ పంచాయతీలను జిల్లాలవారీగా పరిశీలిస్తే అత్యధికంగా సిద్దిపేట జిల్లాలోని మొత్తం 508 స్థానాల్లో 136 బీసీలకు రిజర్వు అయ్యాయి.
Read Also: మా అభ్యర్థుల్ని గెలిపిస్తే… రూ. 10 లక్షల నజరానా : బండి సంజయ్
Follow Us on: Youtube
