ఐబొమ్మ రవి(iBomma Ravi) ఎలా దొరికిపోయాడు? రవిని పోలీసులు ఎలా ట్రాప్ చేశారు? ఇంతకాలం పకడ్బందీగా వ్యూహం రచించిన రవి ఏ విషయంలో బోల్తా కొట్టాడు? అతని వ్యక్తిత్వం ఎటువంటిది? నిజంగానే రవి భార్య సమాచారంతోనే దొరికిపోయాడు. వంటి ప్రశ్నలకు హైదరాబాద్ అడిషనల్ సీపీ శ్రీనివాసులు సమాధానం చెప్పారు. సోమవారం ఆయన మీడియా సమావేశంలో ఐబొమ్మ కేసుకు సంబంధించిన పలు వివరాలు వెల్లడించారు. రవిని పోలీసులు ఎలా ట్రాప్ చేశారో వివరించారు.
అడిషనల్ సీపీ (క్రైమ్స్) శ్రీనివాసులు పవర్ పాయింట్ ప్రజెంటేషన్ ద్వారా కీలక వివరాలను వెల్లడించారు. రవి నిర్వహించిన వ్యవస్థ, అతడు ఉపయోగించిన టెక్నికల్ పద్ధతులు, యాడ్ మనీ లావాదేవీలు, అతడిని పట్టుకునేందుకు పోలీసులు రచించిన వ్యూహం. అన్నీ ప్రజెంటేషన్‌లో స్పష్టంగా చూపించారు.
రవిని ట్రాప్ చేయడంలో ‘నిఖిల్’ కీలకం
రవి(iBomma Ravi)ని ట్రాప్ చేయడంలో అతడి స్నేహితుడు నిఖిల్ కీలకమని పోలీసులు తెలిపారు. ఐబొమ్మ, బప్పం మూవీ పోస్టర్లు, ప్రమోషనల్ డిజైన్లను నిఖిల్ తయారు చేసేవాడు. దీంతో తొలుత పోలీసులు నిఖిల్‌ను సంప్రదించారు. నిఖిల్ సహకారంతో రవితో కమ్యూనికేషన్ లైన్ ఓపెన్ చేసి, రవికి అనుమానం రాకుండా నిఖిల్ పంపించే ఈ-మెయిల్స్, సందేశాలను పోలీసులు ముందుగానే రూపొందించి పంపేవారని సీపీ వెల్లడించారు.
రవి ఐబొమ్మ, బప్పం టీవీ ఈ రెండు డొమైన్‌లను ఎన్జీవోలుగా రిజిస్టర్ చేసి, సినిమాల డౌన్‌లోడ్ సైట్లుగా రన్‌ చేశాడు. దీనికోసం తనకున్న క్రెడిట్ కార్డ్‌ను నేరుగా ఉపయోగించాడు. డొమైన్ రిజిస్ట్రేషన్ వివరాలు, లాగిన్‌లను బట్టి రవి ఒంటరిగానే మొత్తం ఆపరేషన్‌ను నడిపినట్టు దర్యాప్తు స్పష్టం చేసింది. గేమింగ్, బెట్టింగ్, క్యాసినో సంబంధిత ప్రకటనల ద్వారా భారీ స్థాయిలో డబ్బులు రవి ఖాతాల్లోకి వచ్చేవి. రవికి వచ్చిన యాడ్ రేవెన్యూ మొత్తం “Ad Bull” అనే కంపెనీకి మళ్లించేవాడు. ఈ కంపెనీ రవి నేరుగా నడుపుతున్నాడు. విదేశీ యాడ్ నెట్‌వర్క్‌ల నుంచి నేరుగా డాలర్లలో డిపాజిట్లు వచ్చేవి. వీటి కోసం భారీ రివర్స్ మనీ ట్రైల్ ఏర్పడి, పోలీసులు దానిని పూర్తిగా ట్రేస్ చేసినట్టు తెలిపారు.
ఇమెయిల్ పంపి దొరికిపోయిన రవి
పోలీసులు తన మీద దర్యాప్తు జరుపుతున్నారని తెలుసుకున్న రవి పోలీసులకు ఓ ఈ మెయిల్ పంపించాడు. ఒక గుర్తు తెలియని ఐడీ నుంచి పోలీసులకు మెయిల్ వచ్చింది. “మీరు ఏ ఆధారాలతో దర్యాప్తు చేస్తున్నారు? మీ దగ్గర ఉన్న సాక్షాలు ఏమిటి? అన్నది మెయిల్ సారాంశం. దీంతో పోలీసులు రివర్స్ ఇంజినీరింగ్ చేసి ఆ ఇ-మెయిల్ ఐపీ, లాగిన్ ప్యాటర్న్, వీపీఎన్ వినియోగం అన్నింటినీ పరిశీలించారు. చివరకు ఆ మెయిల్ పంపింది రవినేనని నిర్ధారించారు. తనపై జరుగుతున్న దర్యాప్తును తెలుసుకొనేందుకు రవి ఈ మెయిల్ పంపించినట్టు గుర్తించారు.
Read Also: మా అభ్యర్థుల్ని గెలిపిస్తే… రూ. 10 లక్షల నజరానా : బండి సంజయ్
Follow Us on : Pinterest
