కలం, స్పోర్ట్స్: ఢిల్లీ ప్రీమియర్ లీగ్లో ఫిక్సింగ్ కలకలం రేగింది. సెంట్రల్ ఢిల్లీ కింగ్స్ ఆటగాడు వంశ్ బేడీ (Vansh Bedi)కి ఫిక్సింగ్కు సంబంధించిన అప్రోచ్ వచ్చినట్లు సమాచారం. బేడీ ఈ విషయాన్ని వెంటనే యాంటీ కరప్షన్ వింగ్ దృష్టికి తీసుకెళ్లాడు. ఈ వ్యవహారం అక్కడ డాక్యుమెంట్ కూడా అయినట్లు తెలుస్తోంది. డీడీసీఏ కార్యదర్శి అశోక్ శర్మ ప్రకారం..ఉత్తరప్రదేశ్కు చెందిన ఓ ఆటగాడు బేడీని సంప్రదించినట్లు సమాచారం. ఆ ఆటగాడు అక్కడే ఓ టీ20 లీగ్లో కూడా ఆడుతున్నట్లు ఆయన తెలిపారు.
ఈ వ్యవహారంపై డీడీసీఏ ఇప్పుడు బీసీసీఐని ఆశ్రయించింది. తదుపరి ఎలా ముందుకు వెళ్లాలనే దానిపై బీసీసీఐ సలహా కోరింది. ఇటీవల వెలుగులోకి వచ్చిన ఓ స్టింగ్ ఆపరేషన్లో వచ్చిన ఫిక్సింగ్ ఆరోపణల నేపథ్యంలో ఈ లేఖ రాసినట్లు డీడీసీఏ తెలిపింది. బీసీసీఐ మార్గదర్శకత్వం కోసం వేచి చూస్తున్నట్లు అశోక్ శర్మ వెల్లడించారు. ఇక ఈ సీజన్లో సెంట్రల్ ఢిల్లీ కింగ్స్ రన్నరప్గా నిలిచింది. ఫైనల్లో సౌత్ ఢిల్లీ సూపర్స్టార్జ్ చేతిలో ఓడింది.
వంశ్ బేడీ గతంలో పురాణి ఢిల్లీ 6 తరఫున కూడా ఆడాడు. అతనికి ఐపీఎల్లో చెన్నై సూపర్ కింగ్స్తో కూడా అవకాశం లభించింది. ప్రస్తుతం ఈ వ్యవహారంపై తదుపరి చర్యలు బీసీసీఐ నుంచి వచ్చే మార్గదర్శకత్వంపై ఆధారపడి ఉన్నాయి.
