కలం, నిజామాబాద్ బ్యూరో: కేంద్ర ప్రభుత్వం చేపట్టిన జనాభా జనగణన (Census)కు సంబంధించి మ్యాపింగ్ ప్రక్రియ ప్రారంభం అయింది. నిజామాబాద్ (Nizamabad), కామారెడ్డి (Kamareddy) రెండు జిల్లాల్లో క్షేత్ర స్థాయిలో బృందాలు ఆ ప్రక్రియ చేపట్టాయి.. కామారెడ్డి మున్సిపల్ పరిధిలోని 46, 47 వార్డులలో ప్రభుత్వం కేటాయించిన సూపర్ వైజర్ ఎన్యూమరేటర్లకు 46, 47 వార్డులను ( 7 ) ఏడు బ్లాకులుగా విభజించి ఒక్కో బ్లాకుకు దాదాపు గా 100 ఇండ్ల నంబర్లు కేటాయించి ఒక బ్లాక్ కు ఒక ఎన్యూమరేటర్ను కేటాయించారు. ఇంటింటికి తిరుగుతూ అ ఇంటి నంబర్ పై ఎన్ని కుటుంబాలు నివసిస్తున్నాయో గుర్తించి వారికి సెన్సెస్ (CN) నంబర్ కేటాయించడం జరిగింది. ఈ జనగణన కార్యక్రమంలో 46, 47వ వార్డుల కౌన్సిలర్లు గెరిగంటి స్వప్న – లక్ష్మినారాయణ, జనగణన టీం సూపర్ వైజర్ నారాయణ, ఎన్యూమరెటర్లు జ్యోతి, సౌందర్య, ప్రియాంక, రాధికా, రేణుకా, శరణ్య కుమారి, హేమలత, 46, 47 వార్డుల అధికారి కిశోర్ వార్డు అసిస్టెంట్లు బాల్ రాజ్, నర్సింలు, వాటర్ మెన్లు రాజు తదితరులు పాల్గొన్నారు.
