కలం, వెబ్ డెస్క్ : నేపాల్ రాజకీయ చరిత్రలో ఒక అరుదైన ఘట్టం ఆవిష్కృతమైంది. దేశ నూతన ప్రధానమంత్రి (Nepal Prime Minister)గా యువ నాయకుడు బాలేంద్ర షా బాధ్యతలు చేపట్టారు. కేవలం 35 ఏళ్ల వయస్సులోనే దేశ అత్యున్నత పదవిని అధిష్టించిన ఆయన, నేపాల్ చరిత్రలోనే అతి పిన్న వయస్కుడైన ప్రధానమంత్రిగా సరికొత్త రికార్డును నెలకొల్పారు.
కాఠ్మాండూ మేయర్గా తనదైన ముద్ర వేసిన బాలేంద్ర షా (Balendra Shah), ఇప్పుడు దేశ పగ్గాలను చేపట్టడం పట్ల యువతలో భారీ అంచనాలు నెలకొన్నాయి. అనుభవజ్ఞులైన రాజకీయ దిగ్గజాలు ఉన్న తరుణంలో, ఒక యువకుడు దేశ నాయకత్వ బాధ్యతలు చేపట్టడం నేపాల్ ప్రజాస్వామ్య ప్రస్థానంలో కీలక మార్పుగా విశ్లేషకులు భావిస్తున్నారు. ఈ మార్పు నేపాల్ భవిష్యత్తును ఏ విధంగా ప్రభావితం చేయబోతుందోనని అంతర్జాతీయ స్థాయిలో ఆసక్తి నెలకొంది.
బెంగళూరులో విద్యాభ్యాసం..
బాలేంద్ర షా బెంగళూరులోని నిట్టే మీనాక్షి ఇన్స్టిట్యూట్ ఆఫ్ టెక్నాలజీ నుండి స్ట్రక్చరల్ ఇంజినీరింగ్లో మాస్టర్స్ పూర్తి చేశారు. గతంలో ఒక పాపులర్ రాపర్గా యువతలో మంచి క్రేజ్ సంపాదించుకున్న ఆయన, ఇప్పుడు దేశ నాయకత్వ (Nepal Prime Minister) బాధ్యతలు చేపట్టడం విశేషం. ఆయన నేతృత్వంలోని రాష్ట్రీయ స్వతంత్ర పార్టీ (RSP) ఇటీవల జరిగిన సార్వత్రిక ఎన్నికల్లో ఘనవిజయం సాధించి, సాంప్రదాయ రాజకీయ పార్టీలను వెనక్కి నెట్టి అధికార పీఠాన్ని దక్కించుకుంది. ఈ మార్పు నేపాల్ను అభివృద్ధి పథంలోకి తీసుకువెళ్తుందని అక్కడి యువత ఆశాభావం వ్యక్తం చేస్తోంది.
Read Also: ఆటో డ్రైవర్ కావాలనుకున్న ఆర్జీవీ.. ఎందుకో తెలుసా!
Follow Us On : WhatsApp
