కలం, వెబ్ డెస్క్: ఏపీ సీఎం చంద్రబాబు (CM Chandrababu) దిల్లీ బయల్దేరారు. హైదరాబాద్ నుంచి ప్రత్యేక విమానంలో హస్తినకు వెళ్లిన ఆయన.. పలువురు కేంద్ర మంత్రులతో సమావేశం కాబోతున్నారు. ఉదయం 11:30 గంటలకు కేంద్ర హోంమంత్రి అమిత్ షాతో సమావేశం కానున్నారు. విభజన హామీలు, రాష్ట్రానికి ప్రాజెక్టుల గురించి చర్చించే అవకాశం ఉంది. అనంతరం కేంద్ర జల్ శక్తి శాఖ మంత్రి సి.ఆర్.పాటిల్తో భేటీ అయి, పోలవరం ప్రాజెక్టుపై సమీక్షించబోతున్నారు. మధ్యాహ్నం 3 గంటలకు ప్రపంచ బ్యాంక్ ప్రతినిధులతో సమావేశం కానున్నారు. సాయంత్రం CII బిజినెస్ సమ్మిట్కు హాజరై కీలక ప్రసంగం చేస్తారు. అనంతరం నీతి ఆయోగ్ సభ్యుడు, ప్రధాని ఆర్థిక సలహా మండలి ఛైర్మన్ మహేంద్రదేవ్తోనూ సమావేశం అవుతారు.
రాత్రి దిల్లీలోనే.. రేపు అసోంకు..
ఈ రోజు రాత్రి సీఎం చంద్రబాబు దిల్లీలోనే బస చేయబోతున్నారు. రేపు ఉదయం అసోం రాష్ట్రానికి వెళ్లి.. నూతన సీఎం హిమంత బిశ్వ శర్మ ప్రమాణ స్వీకార కార్యక్రమంలో పాల్గొంటారు. అనంతరం నేరుగా విజయవాడ చేరుకుంటారని సీఎంవో వర్గాలు వెల్లడించాయి.
