బీహార్‌(Bihar)లో కొత్తగా ఏర్పడిన ఎన్డీయే ప్రభుత్వానికి మద్దతు తెలిపే అవకాశం ఉందని ఎంఐఎం పార్టీ అధినేత అసదుద్దీన్ ఓవైసీ(Asaduddin Owaisi) ప్రకటించారు. ఇటీవల జరిగిన ఎన్నికల్లో ఎంఐఎం పార్టీ ఆ రాష్ట్రంలో ఐదు ఎమ్మెల్యే స్థానాలను గెలుచుకున్నది. సీమాంచల్ ప్రాంత ప్రజలకు న్యాయం చేయడం, అభివృద్ధి పనులకు ప్రాధాన్యం ఇవ్వడం వంటి అంశాలపై ఎన్డీయే(NDA) ప్రభుత్వం స్పష్టమైన హామీ ఇస్తే, తాము మద్దతు ప్రకటించడానికి సిద్ధంగా ఉన్నామని ఓవైసీ వెల్లడించారు. సీమాంచల్ ప్రాంతం సంవత్సరాలుగా అభివృద్ధి లోపంతో బాధపడుతోందని, అక్కడి మైనారిటీలకు, వెనుకబడిన వర్గాలకు సముచిత ప్రాధాన్యం దక్కేలా ప్రభుత్వం చర్యలు తీసుకోవాలని ఆయన డిమాండ్ చేశారు. ప్రజలు తమపై ఉంచిన నమ్మకాన్ని గౌరవిస్తూ, ప్రాంత అభివృద్ధే పార్టీ ప్రాధాన్యత అని ఓవైసీ స్పష్టం చేశారు.
నిజానికి ఎంఐఎం(AIMIM) సాధారణంగా బీజేపీని తీవ్రంగా వ్యతిరేకిస్తూ ఉంటుంది. బీజేపీ(BJP) నేతలు సైతం ఎంఐఎం అంటే ఒంటికాలిమీద లేస్తుంటారు. అటువంటి ఎన్డీయేకు ఇప్పుడు ఎంఐఎంకు మద్దతు ఇవ్వడంతో అంతా ఆశ్చర్యపోతున్నారు. రాజకీయాల్లో ఏదైనా సాధ్యమే అంటూ వ్యాఖ్యానించారు. నిజానికి ఎంఐఎం, బీజేపీ మధ్య లోపాయికారి ఒప్పందం ఉందని చాలా రోజులుగా ఆరోపణలు ఉన్నాయి. ఎంఐఎం ముస్లిం ఓట్లను చీలిస్తే అది బీజేపీకి లాభమన్న విశ్లేషణలు ఉన్నాయి. దేశంలోని అనేక ప్రతిపక్షపార్టీల నేతల మీద నిత్యం ఈడీ, ఐటీ రెయిడ్స్ జరుగుతున్నా ఎంఐఎం నేతల మీద ఎటువంటి రెయిడ్స్ జరగడం వెనుక ఆంతర్యం ఏమిటన్న ప్రశ్నలు వస్తుంటాయి. ఏది ఏమైనప్పటికీ ప్రస్తుతం బీజేపీ, ఎంఐఎం ఒక్క కూటమిలో ఉంటాయా? అన్నది వేచి చూడాలి. అసద్(Asaduddin Owaisi) చేసిన ప్రతిపాదనకు బీజేపీ ఒప్పుకుంటుందా? అన్న విషయంలో క్లారిటీ రావాల్సి ఉంది.
ఇటీవల జరిగిన ఎన్నికల్లో సీమాంచల్(Seemanchal) ప్రాంతంలో తమ ప్రభావాన్ని మరోసారి నిరూపించుకున్న ఎంఐఎం మొత్తం ఐదు ఎమ్మెల్యే స్థానాలను తిరిగి గెలుచుకోవడం ద్వారా కీలక శక్తిగా అవతరించింది. ఈ నేపథ్యంలో, సీమాంచల్ ప్రాంత అభివృద్ధికి ఎన్డీయే ప్రభుత్వం స్పష్టమైన హామీలు ఇస్తే మద్దతు ప్రకటించేందుకు సిద్ధంగా ఉన్నామని పార్టీ అధ్యక్షుడు అసదుద్దీన్ ఓవైసీ వెల్లడించడం రాజకీయంగా విశేష ప్రాధాన్యం సంతరించుకుంది.
సీమాంచల్ బీహార్‌లో అత్యంత వెనుకబడిన ప్రాంతాల్లో ఒకటి. వరదలు, దారిద్య్రం, మౌలిక సదుపాయాల కొరత, ఆరోగ్య, విద్యా రంగాల్లో వెనుకబడి ఉంది. ఈ సమస్యలను దశాబ్దాలుగా ఏ ప్రభుత్వం పూర్తిగా పరిష్కరించలేకపోయింది. ఈ ప్రాంత ప్రజలు తమను నిలబెట్టే రాజకీయ శక్తిగా ఎంఐఎం పార్టీని భావిస్తున్న నేపథ్యంలో, ప్రాంత అభివృద్ధిని సాధించేందుకు ఏ ప్రభుత్వానికైనా మద్దతు ఇవ్వడానికి పార్టీ సిద్ధమని ఓవైసీ ప్రకటించారు.మరి ఏం జరుగుతుందో వేచి చూడాలి.
Read Also: 3 రాష్ట్రాల సీఎంలకు మావోయిస్టుల సంచలన లేఖ
Follow Us on : Pinterest
