కలం, వెబ్ డెస్క్: బండి భగీరథ్ కేసు వ్యవహారంపై కవిత (Kavitha) రియాక్ట్ అవుతూ.. బీఆర్ఎస్ పార్టీ తీరును తీవ్రంగా తప్పుబట్టారు. సోషల్ మీడియా అత్యుత్సాహంతో సదరు యువతి ఫోటోలను బహిర్గతం చేయడంపై ఆగ్రహం వ్యక్తం చేశారు. కేవలం రాజకీయ ప్రయోజనాల కోసం ఓ అమ్మాయి ఫోటోలను విడుదల చేశారు. ఆమె జీవితం నాశనం కావడానికి బీఆర్ఎస్ పార్టీనే బాధ్యత వహించాలని కవిత ప్రశ్నించారు. బీఆర్ఎస్ అతి ఉత్సాహం వ్యక్తిగత గౌరవానికి భంగం కలిగించడమేనని కవిత ఆరోపించారు.
ఈ క్రమంలోనే నిందితుడు భగీరథ్ (Bandi Bhagirath) దేశం దాటి వెళ్లకుండా వెంటనే లుకౌట్ నోటీసులు జారీ చేయాలని కవిత తెలంగాణ పోలీసులకు విజ్ఞప్తి చేశారు. ఈ చర్యతో విచారణ పారదర్శకంగా జరుగుతుందనే నమ్మకాన్ని తెలంగాణ మహిళల్లో కలిగిస్తుందని పేర్కొన్నారు. నిందితులపై కఠిన చర్యలు తీసుకోవడం ద్వారానే వ్యవస్థపై గౌరవం పెరుగుతుందన్నారు. బాధితురాలికి న్యాయం చేకూరేలా పోలీసులు వ్యవహరించాలని కవిత డిమాండ్ చేశారు.
