అనర్హత పిటిషన్ల అంశంపై తెలంగాణ స్పీకర్ గడ్డం ప్రసాద్ కుమార్.. దానం నాగేందర్(Danam Nagender), కడియం శ్రీహరికి ఇటీవల రెండోసారి నోటీసులు జారీ చేశారు. కాగా ఈ నోటీసులపై తాజాగా దానం నాగేందర్ స్పందించారు. తన వివరణ ఇవ్వడానికి తనకు మరింత సమయం ఇవ్వాలని స్పీకర్‌ను కోరారు. విచారణ గడువు ముగియడంతో తనకు మరింత సమయం ఇవ్వాలంటూ దానం నాగేందర్.. స్పీకర్‌కు లేఖ రాశారు. దానం లేఖపై స్పీకర్ ఇంకా స్పందించాల్సి ఉంది.
అయితే కడియం శ్రీహరి(Kadiyam Srihari) కూడా తనకు మరింత సమయం కావాలంటూ రెండు రోజుల క్రితం స్పీకర్ గడ్డం ప్రసాద్‌కు కలిసి కోరారు. కాగా కడియం శ్రీహరి అభ్యర్థనపై స్పీకర్ సానుకూలంగా స్పందించారు. ఇదిలా ఉంటే అనర్హత పిటిషన్ల అంశంపై ఓ నిర్ణయం తీసుకోవడానికి స్పీకర్‌కు సుప్రీంకోర్టు నాలుగు వారాల సమయమే ఇచ్చింది. జులై 31న మూడు నెలల సమయం ఇస్తూ ఆదేశాలు జారీ చేసింది. కానీ ఆ సమయం లోపు నిర్ణయం తీసుకోలేకపోయిన కారణంగా మరో రెండు నెలల సమయం కోరుతూ సుప్రీంకోర్టును తెలంగాణ స్పీకర్ ఆశ్రయించారు. ఈ క్రమంలోనే స్పీకర్‌కు అత్యున్నత న్యాయస్థానం నాలుగు వారాల సమయం ఇచ్చింది. దీంతో అనర్హత పిటిషన్ల విచారణలో స్పీకర్ స్పీడ్ పెంచారు. అందులో భాగంగానే దానం నాగేందర్(Danam Nagender), కడియం శ్రీహరికి నోటీసులు జారీ చేశారు. ఇప్పుడు వారు తమకు అదనపు సమయం కావాలని కోరినప్పటికీ.. ఇంకా మిగిలి ఉన్న మూడు వారాల్లోనే వారు తమ వివరణ ఇచ్చుకోవాల్సి ఉంటుంది.
Read Also: GHMC ఈవీ చార్జర్లు కట్.. ఏమిరా సామి ఈ పనులు..
Follow Us on: Youtube
