epaper
Monday, December 1, 2025
epaper

GHMC ఈవీ చార్జర్లు కట్.. ఏమిరా సామి ఈ పనులు..

EV Chargers Stolen | ఏ దిక్కూ లేనోడికి ఆ దేవుడే దిక్కు అన్నట్లు.. చోరీకి ఎక్కడా ఛాన్స్ దొరకలేదేమో.. కొందరు ఈవీ ఛార్జింగ్ స్టేషన్లను ఆశ్రయించారు. ఇళ్లలో దొంగతనాలు పెరిగిన సెక్యూరిటీ, పోలీసుల గస్తీతో కష్టంగా మారాయేమో మరి.. నేరుగా ప్రభుత్వం పెట్టిన ఈవీ ఛార్జింగ్ స్టేషన్లే టార్గెట్ చేసుకున్నారు. అవి అయితే.. ప్రభుత్వం పెట్టినవి కదా.. సెక్యూటీ పెద్దగా ఉండదని బాగా నమ్మకం అనుకుంటా కాబోలు. అందుకే హైదరాబాద్‌లోని చాలా ఈవీ చార్జింగ్ స్టేషన్ దగ్గర దొంగలు తమ చేతివాటం చూపారు. చార్జింగ్ కేబుల్స్‌ను చక్కగా ఇంట్లో కూరగాయలు తరుక్కున్నట్లు ముక్కగా కట్ చేసుకుని జంప్ అయ్యారు. ఓ ఈవీ కారు యజమాని చూసి వీడియో చేసే వరకు ఇది ఎవరికీ తెలీదు. ఆఖరికి జీహెచ్ఎంసీ అధికారులతో సహా.

EV Chargers Stolen | శనివారం ఉదయం తన ఈవీ కారుకు ఛార్జింగ్ పెట్టుకుందామనుకుని వెళ్లిన ఓ వ్యక్తి వీటిని చూసి నివ్వెరబోయాడు. కొట్టేసినందుకు దొంగలని తిట్టుకోవాలా? కనీస సెక్యూరిటీ లేకుండా వదిలేసిన ప్రభుత్వాన్ని అనుకోవాలో అతనికి అర్థంకాలేదు. ఇలా ఒకచోట కాదు.. చాలా చోట్ల జరిగింది. దీంతో ఎవరినీ ఏమనలేక.. తనను తాను తిట్టుకోలేక.. ఆఖరికి జీహెచ్ఎంసీ వాళ్లకి ఒక సలహా మాత్రం ఇచ్చారు సదరు కారు యజమాని. జీహెచ్ఎంసీ అధికారులు.. ఛార్జింగ్ పాయింట్లతో పాటు కాస్త సీసీటీవీ కెమెరాలు కూడా పెట్టించండి. ఇక్కడ అన్నీ దొచేస్తున్నారు’’ అని ప్రాధేయపడుతున్న గొంతుకతో చెప్పుకున్నాడు. ఈ వీడియో నెట్టింట తెగ వైరల్ అవుతోంది.

Read Also: జామపండును ఇలా తింటేనే అధిక లాభాలు..!

Follow Us on: Youtube

మ‌రిన్ని వార్త‌ల కోసం మా వాట్స‌ప్ ఛాన‌ల్ ఫాలో అవ్వండి

లేటెస్ట్ న్యూస్‌

Read More Latest News >>

ఎక్స్‌క్లూజివ్‌

Read More Exclusive Stories >>