కలం, వెబ్డెస్క్: లండన్లో పాకిస్థాన్ గ్రూమింగ్ గ్యాంగ్ (Pak Grooming Gang) అరాచకం మరొకటి బయటపడింది. ఓ సిక్కు మైనర్ బాలిక (Sikh Teen) ను ఈ ముఠా గ్యాంగ్ రేప్ చేసింది. వాళ్ల చెర నుంచి ఆ అమ్మాయి(16)ని విడిపించడానికి దాదాపు 200 మంది సిక్కులు రంగంలోకి దిగారు. ఆ ముఠా ఉంటున్న స్థావరాన్ని చుట్టుముట్టారు. అమ్మాయిని విడిపించడడంతోపాటు ముఠాలో ఒకరిని పట్టుకుని స్థానిక పోలీసులకు అప్పగించారు. ఈ సంఘటనకు సంబంధించిన వీడియో సోషల్ మీడియాలో వైరల్ అయ్యింది.
లండన్లోని (London) సిక్కు కమిటీ తెలిపిన వివరాల ప్రకారం.. పాక్ గ్రూమింగ్ గ్యాంగ్లోని (Pak Grooming Gang) ఒక వ్యక్తి (40) ఆ అమ్మాయికి 13 ఏళ్ల వయసు ఉన్నప్పటి నుంచే స్నేహం పెంచుకున్నాడు. చివరికి రెండు రోజుల కిందట ఆ అమ్మాయిని తన వెంట తీసుకెళ్లాడు. అక్కడ అతనితోపాటు మరో ఆరుగురు ఆ సిక్కు బాలికను రేప్ చేశారు. అమ్మాయి కనిపించకపోవడంతో అనుమానించిన ఆమె కుటుంబ సభ్యులు, సిక్కు కమిటీకి విషయం చెప్పారు. దీంతో వాళ్లంతా కలసి నిందితుడి ఇంటిని చుట్టుముట్టారు. అమ్మాయిని విడిపించి, నిందితుని పట్టుకున్నారు.
ఏమిటీ గ్రూమింగ్ గ్యాంగ్లు?
లండన్లో దాదాపు నలభై ఏళ్ల నుంచి ఈ గ్రూమింగ్ గ్యాంగ్ల ఆనవాళ్లుఉన్నాయి. పాకిస్థాన్ నుంచి వచ్చినవాళ్లు ఇలా ముఠాలుగా ఏర్పడతారు. వీళ్ల టార్గెట్ 11–16 ఏళ్ల లోపు అమ్మాయిలు. ఆర్థిక ఇబ్బందులు, కుటుంబ సమస్యలు ఉన్న ఇళ్లలోని అమ్మాయిలకు కావాలనే దగ్గరవుతారు. వాళ్లకు బహుమతులు ఇవ్వడం, ప్రేమతో నమ్మకం కలిగించడం, భయపెట్టడం లేదా బెదిరించడంతో తమ వైపు తిప్పుకుంటారు. ఆ తర్వాత తమ వెంట తీసుకెళ్లి రేప్ చేసి ఉమెన్ ట్రాఫికింగ్ ముఠాలకు అమ్మేస్తారు.
వీళ్ల దురాగతాలు ఏ స్థాయిలో ఉన్నాయంటే.. 1997 నుంచి 2013 మధ్య దాదాపు 1,400 మంది చిన్నారులను వీళ్లు ఇలా ట్రాప్ చేశారు. ఈ గ్రూమింగ్ గ్యాంగ్ల గురించి బ్రిటన్ ఎంపీ ఒకరు తమ దేశ పార్లమెంట్లో ప్రస్తావించారు. ఈ గ్రూపులను నిషేధించి వెళ్లగొట్టాలని ప్రభుత్వం దృష్టికి తీసుకొచ్చారు. అయితే, లండన్తోపాటు దేశమంతా ముస్లిం కమ్యూనిటీవాళ్లు ఎక్కువ ఉండడంతో ప్రభుత్వం వెనకడుగు వేసింది. మరోవైపు ఈ ముఠాల అరాచకం మీద ఎలాన్ మస్క్ సైతం గతంలో స్పందించారు. అమాయక చిన్నారులను బలి తీసుకుంటున్న ఈ ముఠాలను తరిమికొట్టాలని ‘ఎక్స్’ వేదికగా పేర్కొన్నారు. కానీ, బ్రిటన్ ప్రభుత్వం మాత్రం పట్టించుకోవడం లేదు.
Read Also: ఇరాన్ ఉద్రిక్తతలు.. భారతీయులకు విదేశాంగశాఖ కీలక సూచనలు
Follow Us On: Instagram
