కలం, వెబ్డెస్క్: కెనడాలో భారతీయ బిజినెస్మ్యాన్ను దుండగులు కాల్చి చంపారు. మంగళవారం ఉదయం ఈ ఘటన జరిగినట్లు స్థానిక పోలీసులు తెలిపారు. భారత్లోని పంజాబ్కు చెందిన బిందర్ గర్చా(Bindar Garcha) కెనడాలోని సర్రే సిటీలో స్టూడియో–12 నడుపుతున్నారు. సర్రే–వాంకోవర్ రీజియన్లో ఫోటోగ్రీఫీ బిజినెస్ చేస్తున్నారు. ఈ క్రమంలో సర్రేలోని 176 స్ట్రీట్ 35 ఎవెన్యూ వద్ద బిందర్ మృతదేహాన్ని పోలీసులు గుర్తించారు. అత్యంత సమీపం నుంచి అతడిని కాల్చి చంపినట్లు గుర్తించారు. హత్యకు కారణాలు తెలియరాలేదు.
హత్య జరిగిన ప్రాంతంలో కాలిపోయిన ఓ వాహనాన్ని పోలీసులు కనుగొన్నారు. మరోవైపు, గత శుక్రవారం కెనడాలోని వెస్ట్ అబాస్ట్ఫోర్డ్లో నవ్ప్రీత్ సింగ్ (28) ధలివాల్ అనే మరో భారత యువకుడిని ఇలాగే కాల్చి చంపారు. కెనడాలో పుట్టిన నవప్రీత్ను తామే చంపినట్లు డేనీ బల్ గ్యాంగ్ ముఠా ప్రకటించింది. ఈ ముఠా కెనడాలో డ్రగ్ వ్యవహారాలు నడుపుతుంటుంది. కెనడాలో కొన్ని రోజులుగా ఇలాంటి సంఘటనలు సర్వసాధారణం అయ్యాయి. నెల వ్యవధిలో ఏకంగా ముగ్గురు భారతీయులు హత్యకు గురయ్యారు.
Read Also: పోలీస్ వాహనం పేల్చివేత.. ఏడుగురు దుర్మరణం
Follow Us On: X(Twitter)
