భారత్ లో మాత్రమే కనిపించే అరుదైన జంతువులు.. వాటి ప్రత్యేకతలు తెలుసా?

కలం, వెబ్​ డెస్క్ : భారత దేశం ప్రపంచంలోనే అత్యంత జీవ వైవిధ్యం (Wild Life) కలిగిన ప్రాంతం. మంచు దుప్పటి పరుచుకున్న హిమాలయ పర్వతాల నుంచి పశ్చిమ కనుమల్లోని అడవులు, అండమాన్​ నికోబార్​ దీవుల వరకు విస్తరించిన విభిన్న భౌగోళిక పరిస్థితులు అనేక అరుదైన, స్థానిక జంతుజాతులకు (Rare Animals) అవాసాలుగా మారాయి. ప్రపంచంలో మరెక్కడా కనిపించని జాతులు భారతదేశానికి (India) ప్రత్యేకంగా నిలుస్తున్నాయి. వాటిలో కొన్నింటికి గురించి ఈ స్టోరీలో తెలుసుకుందాం..

మలబార్​ సివెట్

ప్రపంచంలో అంతరించిపోతున్న పక్షి జాతుల్లో ఒకటిగా గుర్తింపు పొందిన మలబార్​ సివెట్ (Malabar civet) పశ్చిమ కనుమల్లో నివసిస్తుంది. రాత్రిపూట మాత్రమే సంచరించే ఈ పక్షి వేట, అడవుల్లో మనుషుల నివాసాల కారణంగా అరుదుగా కనిపిస్తోంది. కాగా, పరిరక్షణ లేకపోతే మలబార్​ సివెట్​ జాతీ పూర్తిగా అంతరించే ప్రమాదం లేకపోలేదు.

సింహం తోక మకాక్​

సింహం తోక మకాక్​ (Lion-Tailed Macaque) అనే అరుదైన కోతి జాతికి చెందిన జంతువు. ముఖం చుట్టూ ఉండే తెలుపు మేనుతో ప్రత్యేకంగా కనిపిస్తుంది. పశ్చిమ కనుమల అడవుల్లో నివసించే ఈ కోతి జాతీ తీవ్ర ముప్పును ఎదుర్కొంటోంది.

ఊదారంగు కప్ప

పశ్చిమ కనుమలకు మాత్రమే పరిమితమైన మరో ప్రత్యేక జీవి ఊదారంగు కప్ప (Purple Frog). ఈ ఉభయచర జీవి తన జీవితంలో ఎక్కువ కాలం భూగర్భంలోనే ఉంటుంది. వర్షాకాలంలో కొద్ది రోజుల పాటు సంతానోత్పత్తి కోసం బయటకు రావడం దీని ప్రత్యేకత.

భారతీయ పాంగోలిన్​

రాత్రిపూజ సంచరించే రహస్య జీవిగా భారతీయ పాంగోలిన్​ (Indian Pangolin) పెరొందింది. చీమలు, చెదపురుగులను ఆహరంగా తీసుకుంటుంది. ఈ జంతువు శరీరంపై ఉండే పొలుసుల కోసం వేటగాళ్లు దీన్ని చంపుతుండడంతో ఈ జాతి ప్రమాదంలోకి నెట్టివేయబడింది.

నామ్ డఫా ఎగిరే ఉడుత

అరుణాచల్​ ప్రదేశ్​లో ఉన్న నామ్​ డఫా జాతీయ ఉధ్యానవనానికి మాత్రమే ఈ జీవి పరితమైంది. పరిమిత ప్రాంతంలో మాత్రమే కనిపించడం వల్ల నామ్​ డఫా ఎగిరే ఉడుత (Namdapha Flying Squirrel) గురించి సమాచారం తక్కువగా ఉంటుంది. దీంతో దీని జనభా, ప్రవర్తనపై అధ్యయనం చేయడానికి శాస్త్రవేత్తలకు సవాల్​ గా మారింది.

కాశ్మీర్​ జింక

కాశ్వీర్​ లోయకు మాత్రమే చెందిన కాశ్మీర్​ జింక (Kashmir Stag) (హంగుల్​)  ఎర్ర జింకలలో అరుదైన జాతీగా ఉంది. వేట కారణంగా వీటి సంఖ్య గణనీయంగా పడిపోయింది.

నికోబార్​ మెగాపోడ్​

నికోబాద్​ దీవుల్లో మాత్రమే కనిపించే ఈ పక్షి తన గుడ్లను పొదిగేందుకు కుళ్లిపోయిన చెట్లలో దిబ్బలు నిర్మిస్తుంది. నికోబార్​ మెగాపోడ్​ (Nicobar Megapod) భారతదేశ పక్షి వైవిద్యాన్ని ప్రతిబింబిస్తుంది.

హిమాలయన్​ వోల్ఫ్​

హిమాలయాల్లోని కఠిన వాతావరణ పరిస్థితులను తట్టుకునేలా హిమాలయన్​ వోల్ఫ్ (Himalayan Wolf)​ తోడేలు ఉపజాతిగా గుర్తింపు పొందింది. ఇది అత్యంత జన్యుపరంగా విభిన్నమైన తోడేలు జాతుల్లో హిమాలయన్​ వోల్ఫ్​ జాతిని ఒకటిగా శాస్త్రవేత్తలు భావిస్తున్నారు.

అండమాన్​ వైట్​ – హెడెడ్ స్టార్లింగ్​

అండమాన్​ దీవుల్లో మాత్రమే అండమాన్​ వైట్​ – హెడెడ్ స్టార్లింగ్ (Andaman white Headed Starling) కనిపిస్తుంది. ఈ జీవికి తెల్లటి తల, నల్లటి శరీర రంగుతో పక్షి ప్రేమికులను ఆకర్షిస్తుంది.

పిగ్మి హాగ్​

ప్రపంచంలో (Wild Life) జీవ వైవిద్యంలో అతి చిన్న అడవి పందిగా పిగ్మి హాగ్​ (Pigmy Hog) పెరొందింది. ఒకప్పుడు అంతరించిపోయిందని భావించగా ప్రస్తుతం అస్సాం గడ్డి భూముల్లో కనిపిస్తోంది. జంతు పరిరక్షణ చర్యల ద్వారా పిగ్మీ హాగ్​ జాతిని కాపాడారు.