కలం, వెబ్ డెస్క్: 182 పరుగుల భారీ లక్ష్యంతో బరిలోకి దిగిన లక్నో సూపర్ జెయింట్స్ (LSG) ఆరంభంలోనే భారీ కుదుపుకు లోనైంది. కేకేఆర్ యువ పేసర్ వైభవ్ అరోరా నిప్పులు చెరిగే బౌలింగ్తో లక్నోను కోలుకోలేని దెబ్బ కొట్టాడు. కేవలం రెండు బంతుల వ్యవధిలోనే ప్రమాదకరమైన ఎయిడెన్ మార్క్రమ్, మిచెల్ మార్ష్లను పెవిలియన్ పంపి మ్యాచ్ను మలుపు తిప్పాడు. 4.1 ఓవర్ల వద్ద 41 పరుగులతో పటిష్టంగా ఉన్న లక్నో, అరోరా మాయాజాలంతో 4.3 ఓవర్ల నాటికి 42/2 కు పడిపోయి ఆత్మరక్షణలో పడింది.
మొదట ఎయిడెన్ మార్క్రమ్ (22) షార్ట్ పిచ్ బంతిని పుల్ చేయబోయి డీప్ మిడ్ వికెట్లో పోవెల్కు చిక్కగా, ఆ మరుసటి ఓవర్ మూడో బంతికే మిచెల్ మార్ష్ (15) వికెట్ కీపర్ రఘువంశీకి క్యాచ్ ఇచ్చి వెనుదిరిగాడు. లెగ్ సైడ్ వెళ్తున్న బంతిని ఫైన్ లెగ్ వైపు మళ్లించబోయిన మార్ష్, స్వల్ప ఎడ్జ్ తీసుకోవడంతో కీపర్ అద్భుత క్యాచ్తో అతడిని వెనక్కి పంపాడు. ప్రస్తుతం క్రీజులో కెప్టెన్ రిషబ్ పంత్ ఉండగా, కేవలం 1.3 ఓవర్లలో 7 పరుగులిచ్చి 2 కీలక వికెట్లు తీసిన అరోరా స్పెల్ కేకేఆర్ శిబిరంలో జోష్ నింపింది.
