కలం డెస్క్ : దేశంలో నివసించే పౌరులందరికీ గుర్తింపు కార్డుగా భావిస్తున్న ‘ఆధార్’ (Aadhaar) ను ఇవ్వడం దాదాపు దశాబ్దన్నర కాలంగా కొనసాగుతున్న ప్రక్రియ. పౌరసత్వానికి గుర్తింపు కాకపోయినా దేశంలో నివసిస్తున్నారనే అంశంలో దీన్ని ప్రభుత్వం ప్రామాణికంగా తీసుకుని అర్హులైనవారందరికీ ఆధార్ కార్డుని జారీ చేస్తున్నది. ప్రభుత్వ సంక్షేమ పథకాల లబ్ధిదారులకు ఆధార్ కార్డుతో వారి వివరాలను అనుసంధానం చేసుకోవడం తప్పనిసరిగా మారింది. దాదాపు పదిహేనేండ్ల కాలంలో చనిపోయినవారి వివరాలను సంబంధిత పత్రాల ద్వారా ధృవీకరించుకున్న అథారిటీ (యూనిక్ ఐడెంటిఫికేషన్ అథారిటీ ఆఫ్ ఇండియా – యూఐడీఏఐ – UIDAI) వారికి కేటాయించిన నెంబర్లను జాబితా నుంచి డిలీట్ చేసింది.
గతేడాది ప్రారంభం నుంచి మొదలైన ఈ ప్రక్రియ ఈ ఏడాది జూన్ నాటికి 1.14 కోట్ల మంది పేర్లను, వారికి కేటాయించిన నెంబర్లను డిలీట్ చేయగా సెప్టెంబరు నాటికి మొత్తంగా 1.60 కోట్లను డిలీట్ చేసింది. తాజాగా అది సుమారు రెండు కోట్లకు చేరింది. మృతి చెందినవారి వివరాలను కుటుంబ సభ్యులు, బంధువుల నుంచి సేకరించిన అథారిటీ ఆ వివరాలకు ఆధారంగా మృతుల డెత్ సర్టిఫికెట్ నెంబర్లను పోల్చి చూసుకుని నిర్ధారించుకున్న తర్వాతనే డిలీట్ చేసినట్లు స్పష్టం చేసింది. సరైన ధృవీకరణ, నిర్ధారణ లేకపోతే ప్రజలకు ఆధార్ కార్డు లేకుండా పోతుందని, దానితో సంక్షేమ పథకాలను పొందడంలో ఇబ్బందులు ఎదురవుతాయనే చిక్కులను పరిగణనలోకి తీసుకుని కేంద్ర, రాష్ట్ర ప్ఱభుత్వాల విభాగాలతో పాటు సెన్సస్ రిజిస్ట్రార్ జనరల్ కార్యాలయం నుంచి వివరాలను తీసుకుని ఈ ప్రక్రియను నిర్వహిస్తున్నట్లు వివరణ ఇచ్చింది.
ఇకపైన కూడా ఈ ప్రాసెస్ కొనసాగుతూనే ఉంటుందని, మృతుల వివరాలను కుటుంబ సభ్యులు లేదా బంధువులు మై ఆధార్(Aadhaar) అనే మొబైల్ యాప్ ద్వారా సమర్పించవచ్చునని, దానికి అనుసంధానంగా మృతుల డెత్ సర్టిఫికెట్ నెంబర్లను, ఆ సర్టిఫికెట్ ప్రతిని కూడా సమర్పించాల్సి ఉంటుందని వివరించింది. వాటికి అనుగుణంగా ప్రభుత్వ విభాగాల దగ్గరున్న డాటాను సరిపోల్చుకుని చూసిన తర్వాతనే మృతుల ఆధార్ నెంబర్లను డిలీట్ చేయనున్నట్లు తెలిపింది. ఒకవేళ ఎక్కడైనా పొరపాటు జరిగి బతికి ఉన్నవారి నెంబర్లు డిలీట్ అయినట్లు ఫిర్యాదు చేయాల్సి ఉన్నా, లేక పొరపాటును సరిదిద్దేందుకు విజ్ఞప్తి చేయాలనుకున్నా ‘రీయాక్టివేషన్’ కోసం అదే మొబైల్ యాప్ ద్వారా తెలియజేయవచ్చునని వివరించింది.
Read Also: పాక్ మాజీ ప్రధాని ఇమ్రాన్ లాకప్‌డెత్..?
Follow Us on: Youtube
 ను ఇవ్వడం దాదాపు){kind=link}