పాకిస్థాన్ మాజీ ప్రధాని ఇమ్రాన్ ఖాన్‌(Imran Khan)ను జైలులో హత్య చేశారంటూ వస్తున్న వార్తలు ప్రపంచవ్యాప్తంగా తీవ్ర చర్చలకు దారితీసింది. ఆయన ప్రస్తుతం రావల్పిండి(Rawalpindi)లోని అడియాలా జైలు(Adiala Jail)లో ఉన్నారు. ఆ జైలులోనే అతను హత్యకు గురయ్యారని పాకిస్థాన్‌లో తీవ్ర ప్రచారం జరుగుతోంది. అతనిని ఐఎస్ఐ హతమార్చి ఉండొచ్చన్న వార్తలు వినిపిస్తున్నాయి. బెలూచిస్థాన్ విదేశాంగ మంత్రిత్వశాఖ సోషల్ మీడియా అకౌంట్ సహా మరిన్ని ఖాతాల్లో ఈ వార్తలు వైరల్ అవుతున్నాయి.
కస్టడీలో ఉన్న ఇమ్రాన్‌ను అసిమ్ మునీర్, అతని ఐఎస్ఐ ఏజెంట్లు హతమార్చారని అనేక సంస్థలు చెప్తున్నాయని బెలూచిస్థాన్ విదేశాంగ శాఖ తన పోస్ట్‌లో పేర్కొంది. ఈ వార్తలే నిజమైతే ఉగ్రవాద పాకిస్థాన్ సంపూర్ణ ముగింపును సూచిస్తుందని, ఈ విషయంలో నిజానిజాలు ప్రపంచం ముందుకు వచ్చిన క్షణం పాక్ చిట్టచివరి చట్టబద్దత పతనమవుతుందని బెలూచ్ విదేశాంగ శాఖ తన పోస్ట్‌లో రాసుకొచ్చింది.
ఇమ్రాన్(Imran Khan) మరణ వార్తలు ప్రపంచం వ్యాప్తంగా తీవ్ర చర్చలకు దారితీస్తున్న క్రమంలో పాక్‌లో ఉద్రిక్త పరిస్థితులు నెలకొన్నాయి. ఈ విషయంలో నిజాలు వెల్లడించాలని, తమ నాయకుడిని చూపించాలంటూ పాకిస్థాన్ తెహ్రీక్ ఐ-ఇన్సాఫ్(PTI) నేతలు ఆందోళన బాట పట్టడంతో పోలీసులు లాఠీ ఛార్జ్ చేశారు. పరిస్థితులు చేదాటేలా ఉండటంతో పాక్ ఆర్మీ చీఫ్.. ఉన్నతాధికారులతో అత్యవసర భేటీ నిర్వహించారు. కాగా ఇమ్రాన్ మరణ వార్తలపై పాక్ అధికారులు ఏం చెప్తారు? అనేది ప్రస్తుతం కీలకంగా మారింది.
Read Also: ఫ్యాన్సీ నెంబర్ ఖరీదు రూ. 1.17 కోట్లు
Follow Us on: Youtube
