కాంగ్రెస్ ఎంపీ గడ్డం వంశీకృష్ణ(Gaddam Vamsi Krishna)కు అవమానం ఎదురైనట్టు సమాచారం. కలెక్టర్ ప్రొటోకాల్ పాటించడం లేదని ఆయన వర్గీయులు అసహనం వ్యక్తం చేస్తున్నారు. గతంలో పుష్కరాల సమయంలోనూ ఇటువంటి వివాదమే చెలరేగింది. దళితుడననే కారణంతోనే ప్రొటోకాల్ పాటించడం లేదని గతంలో ఆయన ఆరోపించారు. ఓ మంత్రిపై తీవ్రస్థాయిలో ఆరోపణలు చేశారు. తాజాగా మరోసారి అదే పరిస్థితి రావడం గమనార్హం. ఆయన అనుచరులు కలెక్టర్‌పై తీవ్ర ఆగ్రహం వ్యక్తం చేస్తూ రాష్ట్ర చీఫ్ సెక్రటరీకి ఫిర్యాదు చేయడం గమనార్హం.
ఏం జరిగింది?
ఈ నెల 24న పెద్దపల్లి(Peddapalli) పార్లమెంటు నియోజకవర్గ పరిధిలో ఇందిరమ్మ చీరల పంపిణీ కార్యక్రమంలో మంత్రి శ్రీధర్ బాబు పాల్గొన్నారు. అయితే, ఈ కార్యక్రమంలో స్థానిక ఎంపీ గడ్డం వంశీకృష్ణ(Gaddam Vamsi Krishna)ను అధికారికంగా ఆహ్వానించలేదని సమాచారం. ఎంపీపై ప్రోటోకాల్ ఇవ్వకపోవడం, గడ్డం వంశీకృష్ణ ఫోటోను ప్రభుత్వ ఫ్లెక్స్‌లో కవర్ చేయకపోవడంతో కలెక్టర్ శ్రీహర్ష పై వారు విమర్శలు గుప్పిస్తున్నారు.
ఈ నిర్ణయం కలెక్టర్ మాత్రమే నిర్ణయం తీసుకున్నారా? లేక ఎవరైనా ఇతర ఒత్తిడి కారణంగా ఇలా చేయించారా?” అని ప్రశ్నిస్తూ అసహనాన్ని వ్యక్తం చేశారు. ఈ ఘటన తరువాత, స్థానిక కాంగ్రెస్ నాయకులు రేవంత్ రెడ్డి(Revanth Reddy) దృష్టికి తీసుకెళ్లినప్పటికీ, సమస్యపై తక్షణ స్పందన లేకపోవడంతో అసంతృప్తి మరింత పెరిగినట్లు తెలుస్తోంది.
కాళేశ్వర పుష్కరాల సందర్భంగా ఏర్పాటు చేసిన ప్రభుత్వ ఫ్లెక్సీలో కూడా ఎంపీ గడ్డం వంశీకృష్ణ ఫోటో కనిపించకపోవడం, స్థానిక నాయకుల అసహనానికి మరో కారణంగా మారింది. ఈ ఫ్లెక్స్‌లో ముఖ్యమంత్రి, మంత్రి, ఇతర అధికారులు మాత్రమే కనిపించడం, ఎంపీ ప్రాధాన్యతను తక్కువగా చూపించిందని కాంగ్రెస్ నేతలు ఆరోపిస్తున్నారు.
Read Also: పాక్ మాజీ ప్రధాని ఇమ్రాన్ లాకప్‌డెత్..?
Follow Us on : Pinterest
