టాకోఫోబియా(Tachophobia) ఓ మానసిక రుగ్మత. ఈ సమస్య పైకి చిన్నదిగానే కనిపించినా ఓ తీవ్రమైన మానసిక సమస్య. శరీరానికి సంబంధం లేకుండా మనసులో కలిగే భయానికి సంబంధించింది. అసలు ఈ టాకోఫోబియా అంటే ఏమిటి? ఈ మానసిక సమస్య ఏ సందర్భంలో వస్తుంది? దీని లక్షణాలు ఏమిటి? నివారణ చర్యలు ఏమిటి? అన్న విషయాలను ఈ కథనంలో తెలుసుకుందాం.
స్త్రీ జీవితంలో గర్భధారణ, ప్రసవం అత్యంత సహజమైన, అందమైన ప్రక్రియ. అయితే కొందరికి ఈ ప్రక్రియ గురించి ఆలోచించడమే భయానకం. ఈ పరిస్థితినే టాకోఫోబియా (Tokophobia) అంటారు. ఇది సాధారణ భయాలతో పోల్చితే తీవ్రంగా ఉంటుంది. వ్యక్తి భావోద్వేగాలు, ఆరోగ్యం, రోజువారీ జీవనశైలి మీద కూడా ప్రభావం చూపుతుంది.
ఏమిటీ భయం?
టాకోఫోబియా అనేది ప్రసవం పట్ల కలిగే భయం. ఇది ప్రధానంగా మహిళల్లో కనిపించేది అయినప్పటికీ, అత్యంత అరుదుగా పురుషుల్లో కనిపించే అవకాశం ఉంది. కొందరికి గర్భం దాల్చే ఆలోచన వస్తేనే వణుకు మొదలవుతుంది. మరికొందరికి గర్భధారణ సమయంలోనే తీవ్రమైన భయం ఏర్పడుతుంది. ఈ వ్యాధి రెండు మూడు దశల్లో ఉంటుంది.
ప్రాథమిక టాకోఫోబియా (Primary Tachophobia):
ఇది ప్రసవ అనుభవం లేని మహిళల్లో కనిపిస్తుంది. వారు డెలివరీ గురించి విన్న విషయాలు, చూసిన సినిమాలు, చదివిన కథనాలు వారిలో ఈ భయాన్ని కలిగిస్తాయి. మీడియా ద్వారా వచ్చే ప్రతికూల సమాచారం వలన కూడా ఇది ఏర్పడుతుంది.
ద్వితీయ టాకోఫోబియా (Secondary Tachophobia):
ఇది ఇప్పటికే ప్రసవం అనుభవించిన మహిళల్లో కనిపిస్తుంది. గతంలో డెలివరీ సమయంలో వారు అనుభవించిన వేదనను తలుచుకొని బాధపడుతూ ఉంటారు.
టాకోఫోబియా ఏర్పడటానికి కారణాలు ఇవే..
1. డెలివరీ ఎంతో కష్టతరం కావడం, తీవ్రమైన నొప్పులు, లేదా ఇబ్బందులు ఎదురైన మహిళలు భవిష్యత్తులో ప్రసవానికి భయపడతారు.
2.ఇతరుల ప్రసవ వేదన గురించి చెబితే విని భయపడుతుంటారు. సోషల్ మీడియా, వీడియోలు, లేదా పరిచయస్తులు చెప్పే ప్రసవ వేదన కథనలు వినడంతో వారిలో భయం పెరుగుతుంది.
3. డెలివరీ సమయంలో వచ్చే నొప్పిపై తప్పు ఊహలు, అతిశయోక్తులు వ్యక్తిలో భయాన్ని పెంచుతాయి.
4. తమకో, బిడ్డకో ఏదైనా ప్రమాదం జరుగుతుందనే భవిష్యత్ భయాలు టాకోఫోబియా రూపంలో కనిపిస్తాయి.
5. గర్భధారణ సమయంలో హార్మోన్ల మార్పులు భావోద్వేగాలను ప్రభావితం చేస్తాయి. anxiety ఎక్కువగా ఉన్నవారికి ఈ భయం త్వరగా పెరుగుతుంది.
6. సామాజిక లేదా కుటుంబ కారణాలు:
సపోర్ట్ సిస్టమ్ లేకపోవడం,, భాగస్వామి అర్థం చేసుకోకపోవడం, గృహ సమస్యలు కూడా భయాన్ని పెంచుతాయి.
ఈ వ్యాధి లక్షణాలు ఇవే..
డెలివరీ గురించి ఆలోచించినప్పుడల్లా తీవ్రమైన ఆందోళన
గుండె వేగంగా కొట్టుకోవడం, చెమటలు పట్టడం, నిద్రలేమి, గర్భం దాల్చటానికి వెనుకడుగు, డాక్టర్‌ అపాయింట్‌మెంట్లకు కూడా భయపడటం, పానిక్ అటాక్స్ వచ్చే అవకాశాలు ఉంటాయి.
ఈ వ్యాధి తీవ్రతతో ఉండే ప్రభావాలు:
టాకోఫోబియా ఉన్న మహిళల్లో అనవసరమైన సీ-సెక్షన్ కోరడం, గర్భధారణను అవాయిడ్ చేయడం, డిప్రెషన్ పెరగడం, సంబంధాలపై ప్రభావం రావడం
నివారణ చికిత్స:
ఇదో మానసిక సమస్య కాబట్టి కౌన్సిలింగ్ థెరపీ ద్వారా ఈ భయాన్ని పోగొట్టే అవకాశ: ఉంది.
1. కౌన్సెలింగ్ సైకాలజికల్ థెరపీ
కౌన్సిలింగ్ ఈ భయాన్ని తగ్గించడంలో చాలా ప్రభావవంతంగా పనిచేస్తుంది. థెరపిస్ట్ ద్వారా భయానికి కారణాలను అర్థం చేసుకుని అవి ఎలా అధిగమించాలో నేర్చుకోవచ్చు.
2. ప్రసూతి విద్య (Prenatal Education)
డెలివరీ ఎలా జరుగుతుంది, నొప్పిని ఎలా నియంత్రించవచ్చు, ఎపిడ్యూరల్ వంటి అవకాశాలు వంటి సమాచారం తెలుసుకోవడం ద్వారా భయం తగ్గుతుంది.
3. డాక్టర్‌తో ఓపెన్‌గా చర్చ
మీ భయాలను గైనకాలజిస్ట్‌తో పంచుకోవడం ద్వారా సరైన మార్గదర్శకత్వం పొందవచ్చు. అవసరమైతే మీకు సురక్షితమైన డెలివరీ ప్లాన్ రూపొందించవచ్చు.
4. భావోద్వేగ సపోర్ట్
జీవిత భాగస్వామి, కుటుంబసభ్యులు, స్నేహితుల సపోర్ట్ చాలా ముఖ్యం. మాట్లాడుకోవడం, భావాలను పంచుకోవడం భయం తగ్గించడంలో సహాయపడుతుంది.
5. రిలాక్సేషన్ టెక్నిక్స్
ధ్యానం, యోగా, శ్వాసాభ్యాసాలు, మ్యూజిక్ థెరపీ వంటి వాటి ద్వారా ఆందోళన తగ్గుతుంది.
6. అవసరమైతే మందులు
తీవ్ర డిప్రెషన్, యాక్జైంటి ఉన్నప్పుడు, సైకియాట్రిస్ట్ సూచనతో మాత్రమే మందులు వాడాలి. టాకోఫోబియా ఒక సాధారణమైన, కానీ తీవ్రమైన భయ రుగ్మత. ఇది ప్రొఫెషనల్ సహాయం ద్వారా పూర్తిగా తగ్గించుకోవచ్చు. సరైన అవగాహన, మద్దతు, చికిత్స ఉన్నప్పుడు ఈ భయాన్ని అధిగమించడం పూర్తిగా సాధ్యమే. ప్రతి మహిళకీ సురక్షితమైన, ధైర్యవంతమైన ప్రసవ అనుభవం హక్కు. అందుకే టాకోఫోబియా గురించి తెలుసుకోవడం, అర్థం చేసుకోవడం సమయానికి సహాయం తీసుకోవడం చాలా అవసరం.
Read Also: మీ లైఫ్ పార్ట్నర్ మిమ్మల్ని అర్థం చేసుకోవట్లేదా.. ఇలా ట్రై చేయండి..
Follow Us on: Youtube
