ప్రభుత్వం నుంచి వచ్చే బిల్లులపై నిర్ణయం తీసుకునే విషయంలో గవర్నర్, రాష్ట్రపతులకు నిర్థీత సమయం ఉంటుందా? అన్న అంశంపై సుప్రీంకోర్టు(Supreme Court)లో గురువారం విచారణ జరిగింది. ఈ సందర్భంగానే సుప్రీంకోర్టు కీలక తీర్పు వెలువరించింది. గతంలో బిల్లులకు ఆమోదం తెలిపే విషయంలో రాష్ట్రపతికి గడువు విధిస్తూ అత్యున్నత న్యాయస్థానం ఆదేశాలు జారీ చేసింది. ఆ విషయం దేశవ్యాప్తంగా సంచలనం రేకెత్తించింది. అదే విషయంపై రాష్ట్రపతి ద్రౌపది ముర్పు(Droupadi Murmu).. సుప్రీంకోర్టులో పిటిషన్ దాఖలు చేశారు. బిల్లులకు సమ్మతి తెలిపే విషయంలో గడువులు విధించాలా? అనే ప్రశ్నపై రాష్ట్రపతి ద్రౌపదీ ముర్ము ఆర్టికల్‌ 143 కింద అడిగిన రాజ్యాంగ సందేహాలకు రాజ్యాంగ పీఠం తన సమాధానం ఇచ్చింది.
సీజేఐ జస్టిస్‌ బి.ఆర్‌. గవాయ్‌(BR Gavai) నేతృత్వంలోని ఐదుగురు న్యాయమూర్తుల ధర్మాసనం స్పష్టతనిచ్చింది. గవర్నర్ గానీ, రాష్ట్రపతి గానీ బిల్లులను ఆమోదించడానికి కోర్టులు సమయ పరిమితి విధించలేవని ధర్మాసనం తేల్చి చెప్పింది. అయితే, బిల్లులు ఎందుకు నిలిపి వేస్తున్నారో గవర్నర్లు నిర్దిష్టంగా చెప్పాల్సిందేనని పీఠం హెచ్చరించింది. ఈ సందర్భంగా గతంలో న్యాయమూర్తులు ఇచ్చిన తీర్పును కూడా పక్కనబెట్టింది.
Supreme Court చేసిన కీలక సూచనలివే..
బిల్లుల ఆమోదంపై రాష్ట్రపతి, గవర్నర్లకు నిర్ధిష్ట గడువు విధించలేం.
గడువు విధించడం అధికారాల విభజనను తుంగలో తొక్కడమే.
బిల్లుల విషయంలో గవర్నర్‌కు 3 ఎంపికలు మాత్రమే ఉంటాయి.
బిల్లు ఆమోదం, అసెంబ్లీకి తిరిగి పంపడం, రాష్ట్రపతికి పంపటమే గవర్నర్ ముందు ఉన్న 3 చాయిస్‌లు.
మూడు అధికారాలు కాకుండా నాలుగో అధికారం గవర్నర్‌కు లేదు.
ఆర్టికల్‌ 200 కింద గవర్నర్ ముందు నాలుగో చాయిస్ లేదు.
బిల్లులను సుదీర్ఘకాలం పెండిoగ్‌లో పెట్టడం సరికాదని సీజేఐ జస్టిస్‌ గవాయ్‌ ధర్మాసనం అభిప్రాయపడింది.
పునఃపరిశీలనకు పంపకుండా నిలిపివేయడం సమాఖ్యవాదాన్ని ఉల్లంఘించడమేని సుప్రీంకోర్టు వ్యాఖ్యానించింది.
Read Also: వరల్డ్ కప్ ఫైనల్లో నిఖత్.. 20 నెలల తర్వాత..
Follow Us on : Pinterest
