బాలీవుడ్ హీరోలను విలన్లుగానే చూపిస్తున్నారనే ట్రెండ్ తనకు అస్సలు నచ్చడం లేదని బాలీవుడ్ నటుడు సునీల్ శెట్టి(Suniel Shetty) అన్నారు. “మీరు సౌత్ సినిమాలు ఎందుకు చేయట్లేదు?” అన్న ప్రశ్నకు ఆయన ఆసక్తికర సమాధానం ఇచ్చారు. దక్షిణాది ఇండస్ట్రీ బాలీవుడ్ హీరోలను ప్రధానంగా విలన్లుగానే చూపించడానికి ఆసక్తి చూపుతుందని, నెగిటివ్ షేడ్స్ ఉన్న పాత్రలనే ఆఫర్ చేస్తున్నారని చెప్పారు. అది నచ్చకపోవడంతో తాను సౌత్ సినిమాలు చేయట్లేదని, ఆఫర్లు వచ్చినా ‘నో’ చెబుతున్నానని తెలిపారు.
బాలీవుడ్ హీరోలను విలన్లుగా చూపించడం సరైన పద్ధతి కాదని సునీల్ శెట్టి(Suniel Shetty) అభిప్రాయపడ్డారు. పవర్‌ఫుల్ విలన్ కావాలి అంటే బాలీవుడ్ నటులనే తీసుకుంటే ప్రేక్షకులకు ‘కిక్’ వస్తుందని ఇండస్ట్రీ భావిస్తోందని చెప్పారు. తనకు ఈ విధానం నచ్చకనే ఆఫర్లను తిరస్కరిస్తున్నానని పేర్కొన్నారు. అయితే ‘దర్బార్’ సినిమాలో ఎందుకు నటించారో కూడా ఆయన క్లారిటీ ఇచ్చారు. రజనీకాంత్‌తో కలిసి పనిచేయాలన్న కోరికతోనే ఆ సినిమా చేశానని తెలిపారు.
Read Also: భారీ యాక్షన్‌తో స్టార్ట్ అవుతున్న స్పిరిట్
Follow Us On : Youtube
