టీమిండియా మహిళా క్రికెటర్ స్మృతి మందానా(Smriti Mandhana) తన ప్రియుడు పలాష్‌తో జరగాల్సిన పెళ్లి ఆగిపోయిందా? అంటే అవునన్న సమాధానాలే వినిపిస్తున్నాయి. పెళ్లికి కొన్ని రోజుల ముందు కూడా పలాష్ వేరే అమ్మాయితో మాట్లాడుతూ.. స్మృతిని చీట్ చేశాడంటూ సోషల్ మీడియాలో పోస్ట్‌లు హోరెత్తుతున్నాయి. పలాష్(Palash Muchhal) చీకటి కోణం తెలియడంతోనే స్మృతి తండ్రి అనారోగ్యానికి గురయ్యారని కూడా చర్చ నడుస్తోంది. స్మృతి తండ్రి శ్రీనివాస్‌ అనారోగ్యానికి గురికావడంతో ఆదివారం జరగాల్సిన స్మృతి, పలాష్ వివాహం పోస్ట్‌పోన్ అయింది. ఆ తర్వాత కొన్ని గంటల్లోనే పలాష్ కూడా ఆసుప్రతిలో అడ్మిట్ అవడం, ఆ తర్వాత డిశ్చార్జ్ అవడం జరిగింది. ఈ నేపథ్యంలోనే వాళ్ల పెళ్లి వాయిదా పడలేదని, పూర్తిగా ఆగిపోయిందని చర్చ మొదలైంది. స్మృతిని పలాష్ చీట్ చేశాడని, ఆ విషయం పెళ్లికి ముందు రోజు అంటే శనివారం రాత్రి బహిర్గతమైందని వార్తలు వినిపిస్తున్నాయి. అదే విషయంలో రెండు కుటుంబాల మధ్య చిన్నపాటి గొడవ జరిగిందని, ఆ టెన్షన్‌ వల్ల స్మృతి తండ్రికి అనారోగ్యం వచ్చిందని సోషల్ మీడియాతో నెటిజన్లు చర్చించుకుంటున్నారు.
పలాష్‌కు ప్రీ-వెడ్డింగ్ ఈవెంట్స్‌కు కొరియోగ్రాఫర్‌గా చేసే ‘మారి డీకోస్టా’తో రిలేషన్‌లో ఉన్నాడని, ఆమెతో సంబంధంలో ఉంటూనే స్మృతిని చీట్ చేశాడని సోషల్ మీడియాలో పోస్ట్‌లో భారీగా వస్తున్నాయి. అంతేకాకుండా పలాష్ ముచ్ఛల్ పేరుతో ఉన్న చాటింగ్ స్క్రీన్ షాట్స్ కూడా సోషల్ మీడియాలో వైరల్ అవుతున్నాయి. వీటిని ఎవరో లీక్ చేశారు. అవి ఇప్పుడు సోషల్ మీడియాలో వైరల్‌గా మారాయి. అయితే ఈ స్క్రీన్ షాట్స్‌లో అవెప్పుడు జరిగిన చాటింగ్స్ అనేది మాత్రం క్లియర్‌గా లేదు. వీటితో పాటుగా పలాష్ మరో మహిళకు వెడ్డింగ్ ప్రపోజ్ చేస్తున్న ఫొటో కూడా ఒకటి సోషల్ మీడియాలో చక్కర్లు కొడుతోంది.
వీటన్నింటితో పాటు పలాష్ గురించి నిజం తెలియడం వల్లే స్మృతి మందానా తన ఇన్‌స్టాగ్రామ్ నుంచి తన పెళ్లి వేడుకలకు సంబంధించి అన్ని పోస్ట్‌లను డిలీట్ చేసేసిందని వార్తలు వినిపిస్తున్నాయి. ఇప్పటికే వస్తున్న చీటింగ్ ఆరోపణల అగ్నికి ఈ పోస్ట్‌ల డిలీట్ అంశం ఆజ్యంగా మారింది. దీంతో పలాష్.. స్మృతి(Smriti Mandhana)ని చీట్ చేశాడన్న వార్తలు దేశవ్యాప్తంగా సంచలనం సృష్టిస్తున్నాయి. అయితే ఎక్కడా కూడా స్మృతి మందానా తన ఇన్‌స్టాగ్రామ్ ఖాతాలో తన వెడ్డింగ్, మ్యారేజ్ ప్రపోజల్‌కు సంబంధించిన పోస్ట్‌లు పెట్టిన జాడలు లేవు. ఆమె పోస్ట్‌లు పెట్టను కూడా పెట్టలేదు. కానీ ఇప్పుడు ఏమీ లేకపోవడంతో.. అవన్నీ డిలీట్ చేశారు అన్న వదంతులు వినిపిస్తున్నాయి.
ఇదే సమయంలో ఈ రూమర్స్‌పై స్మృతి మందానా కుటుంబీకులు కానీ, పలాష్ ముచ్చల్ కుటుంబీకుల నుంచి కానీ ఎటువంటి స్పందన రాలేదు. దాంతో ఈ రూమర్స్ అన్నీ కూడా నిజాలే అన్న భావన నెటిజన్స్‌లో అధికం అవుతోంది. స్మృతి, పలాష్‌లో ఎవరైనా ముందుకు వచ్చి వీటిపై స్పందిస్తేనే.. ఈ రూమర్స్‌లకు బ్రేక్ పడుతుంది.
Read Also: మెట్రోవాటర్‌తో కారు వాషింగ్.. రూ. 10 వేల ఫైన్
Follow Us on : Pinterest
