కలం, వెబ్ డెస్క్ : ఉత్తరాంధ్ర ప్రజల దశాబ్దాల కల నెరవేరింది. విశాఖపట్నం ప్రధాన కేంద్రంగా సౌత్ కోస్ట్ రైల్వే జోన్ (South Coast Railway Zone) ఏర్పాటుకు కేంద్ర రైల్వే మంత్రిత్వ శాఖ గెజిట్ నోటిఫికేషన్ విడుదల చేసింది. ఈ నూతన జోన్ జూన్ 1 నుండి అధికారికంగా అమలులోకి రానుంది. దీని పరిధిలో విజయవాడ, గుంటూరు, గుంతకల్లు, కొత్త విశాఖపట్నం డివిజన్లను ఖరారు చేశారు. గతంలో వైఎస్సార్ కాంగ్రెస్ ప్రభుత్వం ఈ జోన్ కోసం 52 ఎకరాల భూమిని కేటాయించింది.
అయితే అత్యధిక ఆదాయం వచ్చే కేకే లైన్ మార్గాన్ని విశాఖ డివిజన్ నుండి తప్పించి రాయగడ డివిజన్ కు కేటాయించడం చర్చనీయాంశంగా మారింది. ఈ విషయంలో కేంద్రంపై ఒత్తిడి తీసుకురావడంలో రాష్ట్రంలోని కూటమి ప్రభుత్వం విఫలమైందనే విమర్శలు వినిపిస్తున్నాయి. ఏదేమైనా మౌలిక సదుపాయాలు, ప్రాంతీయ వృద్ధి దిశగా ఇది ఒక గొప్ప అడుగు అని విశ్లేషకులు భావిస్తున్నారు.
Read Also: మార్గదర్శి కేసు.. సుప్రీంకోర్టు కీలక వ్యాఖ్యలు!
Follow Us On : WhatsApp
