కలం, వెబ్ డెస్క్: ప్రముఖ యూట్యూబర్ షణ్ముఖ్ జశ్వంత్ (Shanmukh Jaswanth) వివాహ బంధంలోకి అడుగు పెట్టాడు. తాను కొంత కాలంగా ప్రేమిస్తున్న అమ్మాయి వైష్ణవి చోడిశెట్టిని షణ్ముఖ్ వివాహం చేసుకున్నాడు. కుటుంబ సభ్యులతో పాటు అతి కొద్దిమంది స్నేహితులు, బంధువుల మధ్య వీరి వివాహం జరిగింది. సాఫ్ట్వేర్ డెవెలపర్, సూర్య వంటి వెబ్ సరీస్తో షణ్ముఖ్ మంచి గుర్తింపు సాధించాడు. ఆ తర్వాత ఐదో సీజన్లో బిగ్బాస్లోకి ఎంట్రీ ఇచ్చి రన్నరప్గా నిలిచాడు.
దీంతో పాటు ప్రముఖ సోషల్ మీడియా ఇన్ఫ్ల్యూయెన్సర్ దీప్తి సునైనా ప్రేమ వ్యవహారంతో కూడా షణ్ముఖ్ చాలా ఫేమస్ అయ్యాడు. అయితే దీప్తి కూడా బిగ్బాస్లో ఎంట్రీ ఇచ్చింది. ఈ షో కారణంగానే ఇద్దరి మధ్య మనస్పర్థలు వచ్చి విడిపోయారన్న ఆరోపణలు ఉన్నాయి. మళ్లీ వీరిద్దరూ కలుస్తారని వీరి ఫ్యాన్స్ భావించినా అది జరగలేదు. దీప్తితో విడిపోయిన తర్వాత షణ్ముఖ్ వైష్ణవితో ప్రేమలో పడ్డాడు. ఫిబ్రవరి 25న వీరి ఎంగేజ్మెంట్ జరిగింది. ఇక ఈ రోజు పెళ్లి చేసుకున్నారు. ప్రస్తుతం వీరి పెళ్లికి సంబంధించిన ఫోటోలు, వీడియో సోషల్ మీడియాలో వైరల్గా మారింది.
