కలం, వెబ్ డెస్క్ : మాస్ మహారాజా రవితేజ ( Ravi Teja) ప్రస్తుతం శివ నిర్వాణ దర్శకత్వంలో నటిస్తున్న ‘ఇరుముడి’ షూటింగ్ చివరి దశకు చేరుకుంది. మైత్రీ మూవీ మేకర్స్ నిర్మిస్తున్న ఈ చిత్రం తర్వాత రవితేజ మరో రెండు ప్రాజెక్టులకు ఓకే చెప్పినట్లు టాలీవుడ్ వర్గాల నుంచి సమాచారం అందుతోంది. వివేక్ ఆత్రేయ దర్శకత్వంలో ఓ మాస్ ఎంటర్టైనర్ చేయడానికి రవితేజ్ గ్రీన్ సిగ్నల్ ఇచ్చాడని తెలుస్తోంది. ఈ సినిమాను కూడా మైత్రీ మూవీ మేకర్స్ నిర్మిస్తుండడం విశేషం. నిజానికి ఈ స్టోరీని వివేక్ ఆత్రేయ బాలకృష్ణతో తీయాల్సి ఉంది. కానీ బాలకృష్ణ ఇతర కమిట్మెంట్లతో బిజీగా ఉండడం వల్ల ఈ మూవీ రవితేజ చేతిలోకి వెళ్లిందని టాక్ వినిపిస్తోంది.
అంతేకాదు హసిత్ గోలి దర్శకత్వంలో మాస్ రాజా ఓ సినిమా చేయనున్నారు. దిల్ రాజు ఈ సినిమాను నిర్మించనున్నారు. వివేక్ ఆత్రేయ, హసిత్ గోలి సినిమాల షూటింగ్స్ ఏకకాలంలో జరగనున్నాయని.. త్వరలోనే ఈ సినిమాలకు సంబంధించిన అధికారిక ప్రకటనలు వస్తాయని సినీ విశ్లేషకులు అంటున్నారు. ఏది ఏమైనా మాస్ మహారాజా తనదైన స్పీడ్ తో బ్యాక్ టు బ్యాక్ సినిమా అనౌన్స్మెంట్లతో ఫ్యాన్స్ ను ఖుషీ చేయబోతున్నారని తెలుస్తోంది.
