కలం, వెబ్ డెస్క్: అహ్మదాబాద్ గడ్డపై గుజరాత్ టైటాన్స్ ఆశలపై రవి బిష్ణోయ్ నీళ్లు చల్లాడు. క్రీజులో పాతుకుపోయి, రాజస్థాన్ బౌలర్లను ముప్పుతిప్పలు పెడుతున్న సాయి సుదర్శన్ను ఔట్ చేసి మ్యాచ్ను మలుపు తిప్పాడు. నిజానికి అది బిష్ణోయ్ వేసిన అత్యుత్తమ బంతి ఏమీ కాదు, లెగ్ స్టంప్పై పడ్డ ఒక సాధారణ డ్రాగ్-డౌన్ డెలివరీ. కానీ, ఆ ఒత్తిడిలో సుదర్శన్ భారీ షాట్కు ప్రయత్నించి డీప్ బ్యాక్వర్డ్ స్క్వేర్ లెగ్ వద్ద తుషార్ దేశ్పాండే చేతికి చిక్కాడు. 44 బంతుల్లో 9 ఫోర్లు, 3 సిక్సర్లతో 73 పరుగులు చేసి మ్యాచ్ను గుజరాత్ వైపు తీసుకెళ్తున్న సుదర్శన్ ఇలా పెవిలియన్ చేరడం రాజస్థాన్ రాయల్స్కు కొండంత అండనిచ్చింది.
211 పరుగుల భారీ లక్ష్య ఛేదనలో టైటాన్స్కు ఇది కోలుకోలేని దెబ్బ. అంతకుముందు కుషాగ్ర (18) వికెట్ను రియాన్ పరాగ్ పడగొట్టగా, ఇప్పుడు డేంజర్ మ్యాన్ సుదర్శన్ వికెట్ పడటంతో రాజస్థాన్ క్యాంప్లో ఉత్సాహం ఉరకలేస్తోంది. క్రీజులో కెప్టెన్ జోస్ బట్లర్ ఉన్నప్పటికీ, సెట్ బ్యాటర్ అవుట్ అవ్వడం మ్యాచ్ ఫలితాన్ని తారుమారు చేసేలా కనిపిస్తోంది.
