Pregnancy Diet | గర్భిణులు ఆరోగ్యానికి ఐదు విటమిన్లు చాలా ముఖ్యం. విటమిన్ డి, బీ12, బీ9, సీ, బీ6 లోపం రాకుండా చూసుకోవాలి. వీటిలో ఏది తగ్గినా తల్లితో పాటు కడుపులో ఉన్న బిడ్డకు కూడా అనారోగ్యం వచ్చే ప్రమాదం ఉంది. వీటిని పొందడం కోసం ప్రత్యేకంగా సప్లిమెంట్లు తీసుకోవాల్సిన అవసరం లేదు. ఆహారం ద్వారానే వీటిని పొందవచ్చు. వీటి సమతుల్యత దెబ్బతింతే మెదడు ఆరోగ్యం, హార్మోన్ల సమతుల్యతపై కూడా ప్రతికూల ప్రభావం చూపుతుంది. గర్భిణులు ఆరోగ్యంగా ఉండాలంటే విటమిన్ స్థాయిలు సరిపడా ఉండాలి. అసలు ఈ ఐదు విటమిన్లు ఎందుకు? వేటిలో లభ్యమవుతాయో చూద్దామా..
Pregnancy Diet
విటమిన్ D
ఎముకలు, దంతాలు బలంగా ఉండేందుకు విటమిన్ D అత్యంత అవసరం. ఇది శరీరానికి కాల్షియం శోషణను మెరుగుపరచి ఆస్టియోపోరోసిస్‌ ప్రమాదాన్ని తగ్గిస్తుంది. ముఖ్యంగా సూర్యరశ్మి ద్వారా శరీరంలో ఉత్పత్తి అయ్యే ఈ విటమిన్, మూడ్‌ మరియు హార్మోన్‌ ఆరోగ్యాన్ని కూడా ప్రభావితం చేస్తుంది. విటమిన్ D లోపం ఉన్నప్పుడు అలసట, ఎముక నొప్పులు, డిప్రెషన్‌ వంటి సమస్యలు కనపడుతాయి. గర్భధారణ, మెనోపాజ్‌ సమయంలో దీని అవసరం మరింత పెరుగుతుంది.
సోర్స్‌: సూర్యరశ్మి, పాలు, చేపలు, గుడ్లు
విటమిన్ B12
నరాల పనితీరు, మెదడు ఆరోగ్యం, రక్తంలో ఎర్ర రక్త కణాల ఉత్పత్తికి విటమిన్ B12 కీలకం. ఇది తక్కువగా ఉన్నప్పుడు శరీరం బలహీనపడటం, చేతులు కాళ్లు మొద్దుబారడం, మతిమరుపు వంటి సమస్యలు వస్తాయి. ముఖ్యంగా శాకాహార మహిళల్లో ఈ విటమిన్ కొరత కనిపించే అవకాశాలు ఎక్కువ. బీపీ పడిపోవడం, రక్తహీనత వంటి సమస్యల నుంచి బయటపడటానికి ఇది అవసరం.
సోర్స్‌: పాలు, పెరుగు, చేపలు, చికెన్, గుడ్లు
(శాకాహారులకు ప్రత్యేకంగా అవసరం)
విటమిన్ B9 (ఫోలిక్ యాసిడ్)
పీరియడ్స్‌ సరైన వ్యవధిలో రావడం, రక్తహీనత నివారణ, శరీరంలో కణాల అభివృద్ధికి ఫోలిక్ యాసిడ్ తప్పనిసరి. గర్భిణీల విషయంలో శిశువు మెదడు, వెన్నెముక ఏర్పడటానికి ఈ విటమిన్ అత్యంత ముఖ్యమైనది. గర్భధారణకు ముందు నుంచే వైద్యుల సలహాతో దీన్ని తీసుకోవాలి. కొరత ఉంటే పుట్టుక లోపాలు వచ్చే ప్రమాదం ఉంది.
సోర్స్‌: పాలకూర, బ్రోకోలీ, వేరుశనగలు, బీన్స్
విటమిన్ C
రోగనిరోధక శక్తిని పెంచి శరీరాన్ని ఇన్ఫెక్షన్లునుంచి రక్షించేది విటమిన్ C. చర్మంలో కొల్లాజెన్‌ ఉత్పత్తికి దోహదం చేస్తూ వృద్ధాప్య సూచనలను తగ్గిస్తుంది. అలాగే ఇనుము శోషణను మెరుగుపరుస్తుంది కాబట్టి అనీమియా ఉన్న మహిళలకు చాలా ఉపయోగకరం. దీని కొరత వల్ల తరచూ జలుబు, చర్మం పొడిబారటం, గాయాలు త్వరగా మానకపోవడం జరుగుతుంది.
సోర్స్‌: నిమ్మకాయలు, ఆరెంజ్‌, అమృతపండు, టమోటా, పచ్చిమిర్చి
విటమిన్ B6
హార్మోన్ల సమతౌల్యం, మెదడు పనితీరు, మూడ్‌ కంట్రోల్‌ కోసం విటమిన్ B6 కీలకపాత్ర పోషిస్తుంది. ముఖ్యంగా పీరియడ్స్‌ సమయంలో వచ్చే అసహనం, నొప్పులు, మూడ్‌ స్వింగ్స్‌ తగ్గించడంలో ఇది సహాయపడుతుంది. ఇది శరీరంలో ప్రోటీన్‌, ఎంజైమ్‌ల నిర్మాణానికి తోడ్పడుతుంది. నిద్రలేమి, చిరాకు, అలసట వంటి సమస్యలు దీని కొరత సంకేతాలు కావచ్చు.
సోర్స్‌: బాదం, సన్‌ఫ్లవర్ సీడ్స్‌, అవకాడో, వేరుశెనగలు
Read Also: జామపండును ఇలా తింటేనే అధిక లాభాలు..!
Follow Us on: Youtube
