కలం, వెబ్ డెస్క్: పోక్సో కేసులో అరెస్టయిన బండి భగీరథ్పై (Bandi Bhagirath) పోలీసులు మరో అదనపు సెక్షన్ను నమోదు చేశారు. బాధితురాలిపై ఆయన పలుమార్లు అత్యాచారానికి పాల్పడినట్లు వచ్చిన ఆరోపణల నేపథ్యంలో దర్యాప్తు అధికారులు భారతీయ న్యాయ సంహిత (BNS)లోని సెక్షన్ 64(2)(M)ను ఈ కేసుకు జత చేశారు. ఈ సరికొత్త సెక్షన్ ప్రకారం కోర్టులో నేరం రుజువైతే నిందితుడికి కనీసం పదేళ్లకు తగ్గకుండా జైలు శిక్ష పడే అవకాశం ఉన్నట్లు తెలుస్తోంది. నేర తీవ్రతను బట్టి ఒక్కోసారి జీవిత ఖైదు కూడా విధించే వీలుంది.
