తమిళగ వెట్రి కజగం (టీవీకే) అధినేత, దళపతి విజయ్(Vijay Thalapathy)కి తమిళనాడు పోలీసులు షాక్ ఇచ్చారు. డిసెంబర్ 4న సేలంలో ఆయన నిర్వహించ తలపెట్టిన బహిరంగ సభకు అనుమతి ఇవ్వలేదు. గత సెప్టెంబర్‌లో కరూర్‌లో తొక్కిసలాట(Karur Stampede) ఘటన నేపథ్యంలో టీవీకే(TVK) సభకు అనుమతి నిరాకరించినట్టు తెలుస్తోంది. కరూర్ తొక్కిసలాట ఘటన అనంతరం విజయ్ కొంతకాలం పార్టీ కార్యకలాపాలకు దూరంగా ఉన్న విషయం తెలిసిందే. తాజాగా మరో సభ నిర్వహించాలని భావించారు. భద్రతా కారణాల దృష్ట్యా పోలీసులు ఈ సభకు అనుమతి నిరాకరించారు.
పార్టీ సేలం(Salem) జిల్లా కార్యదర్శి తమిళన్ ఏ పార్తిబన్ ఈ సభ కోసం దరఖాస్తు చేసుకున్నారు. సేలంలోని సీలనాయక్కన్‌పట్టి, బోస్ మైదానం, ఫోర్ట్ మైదానం అనే మూడు ప్రాంతాల్లో ఏదో ఒకచోట బహిరంగసభకు అనుమతి ఇవ్వాలని కోరారు. అయితే డిసెంబర్ 4 తిరువణ్ణామలైలో ప్రత్యేక కార్యక్రమాల దృష్ట్యా భారీ భద్రతా ఏర్పాట్లు చేయాల్సి ఉండటం, ఆ రోజు పోలీసు సిబ్బంది అందుబాటులో లేకపోవడం ప్రధాన కారణంగా పోలీసులు పేర్కొన్నారు. అంతేకాకుండా డిసెంబర్ 6న బాబ్రీ మసీదు కూల్చివేత దినం కూడా ఉంది. ఆ రోజున కూడా భద్రతా బలగాలు అధికంగా మోహరించాల్సి ఉంటుందని తెలిపారు.
పోలీసులు టీవీకేకు అధికారికంగా ఇచ్చిన లేఖలో భద్రతా సిబ్బంది అందుబాటులో లేకపోవడం, ప్రజల సంఖ్యకు సంబంధించిన కచ్చితమైన వివరాలు లేకపోవడం, బయటి నుంచి ఎంతమంది వస్తారనే అంచనా ఇవ్వకపోవడం వంటి లోపాల కారణంగా అనుమతి నిరాకరించారు. భవిష్యత్తులో ఇలాంటి ప్రజా సమావేశాలకు అనుమతి కోరినప్పుడు కనీసం నాలుగు వారాల ముందు దరఖాస్తు చేయాలని పోలీసులు సూచించారు. అయితే టీవీకే నాయకత్వం ప్రత్యామ్నాయ తేదీలను పరిశీలిస్తున్నట్టు పార్టీ వర్గాలు తెలిపాయి. సేలం పర్యటన అనంతరం ఈరోడ్, కృష్ణగిరి, ధర్మపురి జిల్లాల్లోనూ విజయ్(Vijay Thalapathy) పర్యటనలను ఉండబోతున్నాయి.
Read Also: దుబాయ్ ఎయిర్ షోలో కుప్పకూలిన భారత్ తేజస్..
Follow Us on : Pinterest
 అధినేత, దళపతి విజయ్కి తమిళనాడు పోలీసులు){kind=link}