కలం, వెబ్ డెస్క్: న్యూజిలాండ్ మహిళా క్రికెట్లో ఒక శకం ముగిసింది. ఆ జట్టు స్టార్ ఫాస్ట్ బౌలర్ లీ తహుహు (Lea Tahuhu) వన్డే అంతర్జాతీయ (ODI) క్రికెట్కు రిటైర్మెంట్ ప్రకటిస్తూ సంచలన నిర్ణయం తీసుకున్నారు. 15 ఏళ్ల సుదీర్ఘ ప్రయాణం తర్వాత ఆమె వన్డే ఫార్మాట్ నుంచి తప్పుకుంటున్నట్లు వెల్లడించారు. దేశం తరపున వన్డేల్లో వందకు పైగా మ్యాచ్లు ఆడటం తనకెంతో గర్వంగా ఉందని తహుహు పేర్కొన్నారు. వైట్ ఫెర్న్స్ జర్సీని ధరించడం ఒక గౌరవంగా భావిస్తున్నానని, తన సాధించిన విజయాల పట్ల సంతృప్తిగా ఉన్నానని ఆమె తెలిపారు. ఇన్నేళ్ల ప్రయాణంలో ప్రతి క్షణాన్ని తాను ఎంతో మధురంగా భావిస్తానని ఆమె స్పష్టం చేశారు.
వన్డేలకు వీడ్కోలు పలికినప్పటికీ, తహుహు టీ20 క్రికెట్లో మాత్రం కొనసాగనున్నారు. అంతర్జాతీయ టీ20లతో పాటు ప్రపంచవ్యాప్తంగా జరిగే ఫ్రాంచైజీ లీగ్స్లో ఆమె ఆడనున్నారు. ముఖ్యంగా, ఈ ఏడాది ఇంగ్లాండ్లో జరగనున్న 2026 టీ20 ప్రపంచకప్లో న్యూజిలాండ్ టైటిల్ను కాపాడుకోవడంలో కీలక పాత్ర పోషించాలని ఆమె లక్ష్యంగా పెట్టుకున్నారు. జూన్ 13న సౌతాంప్టన్లో వెస్టిండీస్తో జరిగే మ్యాచ్తో న్యూజిలాండ్ తమ టైటిల్ వేటను ప్రారంభించనుంది.
అయితే తహుహు (Lea Tahuhu) తన వన్డే ప్రస్థానాన్ని 2011లో బ్రిస్బేన్లో ఆస్ట్రేలియాపై ప్రారంభించారు. 15 ఏళ్ల కెరీర్లో ఆమె మొత్తం 103 వన్డేలు ఆడి, 4.54 ఎకానమీతో 125 వికెట్లు పడగొట్టారు. 2021లో ఇంగ్లాండ్పై నమోదు చేసిన 5/37 ఆమె కెరీర్లో అత్యుత్తమ గణాంకాలు. అంతేకాకుండా, నాలుగు వన్డే ప్రపంచకప్లలో పాల్గొన్న ఆమె, కివీస్ బౌలర్లలో అత్యధికంగా 36 వికెట్లు తీసిన రికార్డును సొంతం చేసుకున్నారు.
Read Also: టీ20 ప్రపంచకప్ ఫైనల్: టీమిండియా విజయం కోసం ప్రత్యేక పూజలు
Follow Us On: Pinterest
