కలం, వెబ్ డెస్క్ : గుజరాత్లోని (Gujarat) మోర్బీ (Morbi) జిల్లా వీర్పర్డా గ్రామంలో ఓ వింత ఘటన స్థానికులను ఆశ్చర్యానికి గురిచేస్తోంది. రహదారి పక్కన ఉన్న ఓ బావిలోని (Mysterious Well) నీరు ఒక వైపు నుంచి మరో వైపుకు నిరంతరం కదులుతూ కనిపిస్తోంది. ఈ అరుదైన దృశ్యాన్ని చూసేందుకు చుట్టుపక్కల గ్రామాల నుంచి ప్రజలు పెద్ద సంఖ్యలో అక్కడికి చేరుకుంటున్నారు. ఈ ఘటనకు సంబంధించిన వీడియోలు ప్రస్తుతం సోషల్ మీడియాలో వైరల్ అవుతున్నాయి.
స్థానికుల సమాచారం ప్రకారం, సమీపంలోని ఇతర బావులలో నీరు పూర్తిగా ప్రశాంతంగానే ఉండగా, ఈ ఒక్క బావిలో మాత్రమే ఇలా నీరు అలల మాదిరిగా కదులుతోంది. భూగర్భ జలాల ఒత్తిడి లేదా ఇతర సహజ కారణాల వల్ల ఇలా జరిగి ఉండొచ్చని కొందరు అంచనా వేస్తున్నప్పటికీ, దీనిపై నిపుణులు ఇంకా ఎలాంటి అధికారిక వివరణ ఇవ్వలేదు. దీంతో ఈ ఘటన స్థానికంగా ఆసక్తికర చర్చకు దారితీసింది.
🇮🇳 Gujarat Mystery: Well Water Keeps Moving, Locals Left Stunned
An unusual phenomenon has turned Virparda village in Gujarat’s Morbi district into a point of curiosity after water inside a roadside well was seen continuously moving from one side to the other, drawing large… pic.twitter.com/FPosLcfSuN
— Kalam Daily (@kalamtelugu) August 6, 2026
Also Read : యూపీఐ చెల్లింపులపై ఛార్జీల బిల్లుకు లోక్సభ ఆమోదం
Follow Us On : WhatsApp
