కలం డెస్క్ : కేంద్రకమిటీ సభ్యుడు హిడ్మా(Hidma), అతని సహచరి రాజె విజయవాడలో వైద్య చికిత్స చేయించుకుంటుండగా ఇంటెలిజెన్స్ ద్వారా సమాచారం అందుకుని పట్టుకుని కాల్చి చంపారని మావోయిస్టు పార్టీ(Maoist party) కేంద్ర కమిటీ అధికార ప్రతినిధి అభయ్ ఒక ప్రకటనలో తెలిపారు. ఈ నెల 15న వారిద్దరితో పాటు మరికొందరు వైద్య చికిత్స కోసం విజయవాడ వెళ్ళారని, కొందరు చేసిన ద్రోహంతో సమాచారం అందుకుని నిరాయుధంగా ఉన్న వారిని చిత్రహింసలు పెట్టి చంపారని, మారేడుమిల్లి అటవీ ప్రాంతంలో ఎన్‌కౌంటర్ జరిగినట్లు పోలీసులు కట్టుకథలు అల్లుతున్నదని ఆరోపించారు. వారి దగ్గర ఆయుధాలు దొరికాయన్నది పచ్చి అబద్ధమని ఆరోపించారు.
మరో ఎన్‌కౌంటర్‌లో ఆంధ్ర-ఒడిశా బార్డర్ రాష్ట్ర కమిటీ సభ్యుడు టెక్ శంకర్ సహా చైతు, కమ్లూ, మల్లాల్, దేవె తదితరులను కూడా నిరాయుధులుగా పట్టుకుని కాల్చి చంపారని ఆరోపించారు. కార్పొరేట్ల ప్రయోజనాల కోసం మావోయిస్టు పార్టీ(Maoist party)ని నిర్మూలించాలనే లక్ష్యం పెట్టుకున్న కేంద్ర ప్రభుత్వం ఫాసిస్టు దమనకాండను కొనసాగిస్తూ నిత్యం ప్రజలను భయకంపితులను చేస్తున్నదని ఆరోపించారు. కేంద్ర, రాష్ట్ర పోలీసు బలగాలు సాగిస్తున్న క్రూర హత్యాకాండకు నిరసనగా ఈ నెల 23న ‘దేశవ్యాప్త నిరసన దినం’ పాటించాలని మావోయిస్టు పార్టీ పిలుపునిచ్చింది. దోపిడీ వ్యవస్థ నిర్మూలనకు వయతిరేకంగా సాగే పోరాటంలో కార్మిక, కర్షక, యువత, విద్యార్థి, సామాజికవర్గాల ప్రజలు పాలుపంచుకోవాలని పిలుపునిచ్చింది.
Raed Also: రాష్ట్రంలో రెండు ‘పవర్ సెంటర్లు’ కుదరదు : స్టాలిన్
Follow Us on: Youtube
