కలం, వెబ్ డెస్క్ : వన్యప్రాణుల రక్షణలో సరికొత్త అధ్యాయానికి న్యూఢిల్లీ ఆతిథ్యం ఇవ్వబోతోంది. అంతర్జాతీయ బిగ్ క్యాట్ అలయన్స్ ఆధ్వర్యంలో జూన్ 1, 2 తేదీల్లో ప్రతిష్టాత్మకమైన సదస్సు (IBCA Summit) జరగనుంది. ప్రపంచవ్యాప్తంగా ఉన్న ఏడు రకాల బిగ్ క్యాట్స్ మనుగడను కాపాడటమే ఈ భేటీ ప్రధాన లక్ష్యం.
భారత్ నాయకత్వంలో జరుగుతున్న ఈ కార్యక్రమం (IBCA Summit)లో సుమారు 95 దేశాలకు చెందిన ప్రతినిధులు, వన్యప్రాణి నిపుణులు పాల్గొంటున్నారు. అడవుల విస్తీర్ణం పెంచడం, వేటగాళ్ల నుంచి ఈ క్రూర మృగాలను రక్షించడంపై ఇక్కడ చర్చలు సాగనున్నాయి. ఈ సదస్సు ముగింపులో ‘ఢిల్లీ డిక్లరేషన్’ పేరుతో ఒక చారిత్రాత్మక అంతర్జాతీయ ఒప్పందం కుదుర్చుకోనున్నారు. ఇది రాబోయే కాలంలో అంతర్జాతీయ వన్యప్రాణుల రక్షణకు దిక్సూచిలా మారుతుందని పర్యావరణవేత్తలు భావిస్తున్నారు.
Read Also: ఓవైసీ ఆసక్తికర వ్యాఖ్యలు: కేసీఆర్ కు స్పెషల్ రిక్వెస్ట్ !
Follow Us On : WhatsApp
