కలం, వెబ్ డెస్క్: హైదరాబాద్లోని ఫుట్బాల్ లవర్స్కు తెలంగాణ ఫుట్బాల్ అసోసియేషన్ స్వీట్ న్యూస్ చెప్పింది. అసోసియేషన్ చరిత్రలోనే మొదటిసారిగా ఫ్లడ్లైట్ల వెలుతురులో ఒక ప్రత్యేకమైన సమ్మర్ కోచింగ్ క్యాంప్(Football Summer Camp)ను నిర్వహిస్తోంది. ఆదివారం నాడు ఈ క్యాంప్ ఘనంగా ప్రారంభమైంది. మౌలాలీలోని న్యూక్లియర్ ఫ్యూయల్ కాంప్లెక్స్ (NFC) గ్రౌండ్లో ఈ శిక్షణ శిబిరం సాగుతోంది. ఎన్ఎఫ్సీ వర్క్స్ కమిటీతో కలిసి తెలంగాణ ఫుట్బాల్ అసోసియేషన్ ఉమ్మడిగా ఈ సరికొత్త ప్రయత్నానికి శ్రీకారం చుట్టింది. ఈ సమ్మర్ క్యాంప్ ప్రారంభోత్సవ కార్యక్రమానికి ఎన్ఎఫ్సీ చైర్మన్, చీఫ్ ఎగ్జిక్యూటివ్ డాక్టర్ కోమల్ కపూర్ ముఖ్య అతిథిగా హాజరయ్యారు.
ఆయనతో పాటు టీఎఫ్ఏ సెక్రటరీ జి.పి. ఫాల్గుణ, ఎన్ఎఫ్సీ వర్క్స్ కమిటీ చైర్మన్, చీఫ్ ఇంజనీర్ డి. శ్రీధర్ కూడా ఈ వేడుకలో పాల్గొని ఆటగాళ్లను ఉత్సాహపరిచారు. వేసవి సెలవుల్లో పిల్లలకు ఆటలపై ఆసక్తిని పెంచేందుకు, వారిలోని నైపుణ్యాలను వెలికితీసేందుకు ఈ క్యాంప్ ఎంతగానో దోహదపడనుంది. క్రీడాకారులకు మెరుగైన శిక్షణ ఇవ్వాలనే లక్ష్యంతోనే రాత్రి వేళల్లో కూడా ఆడేలా ఫ్లడ్లైట్ల సౌకర్యంతో ఈ క్యాంప్ను ఏర్పాటు చేశారు. ఈ ప్రత్యేక శిక్షణ శిబిరం ద్వారా స్థానిక యువ ఆటగాళ్లకు మంచి అవకాశం లభించనుంది.
