కలం, వెబ్ డెస్క్: ప్రస్తుతం టెక్నాలజీ పెరగడంతో రోబోల (Robot) వాడకం సర్వసాధరణమైంది. ఈ క్రమంలో కొన్ని చోట్ల రోబోలు సాంకేతిక లోపాలు లేదా ప్రోగ్రామింగ్ వైఫల్యాల వల్ల ఇబ్బందులకు గురిచేస్తున్నాయి. హోటళ్లు, ఆస్పత్రులు, డెలివరీ సర్వీసుల్లో వినియోగిస్తున్న ఈ యంత్రాలు ఒక్కోసారి మనుషుల ఆదేశాలను పాటించలేకపోతున్నాయి. సడన్గా ఆగిపోవడం లేదా తప్పుడు సమాచారాన్ని అందించడం వంటి ఘటనలు సైతం చోటుచేసుకుంటున్నాయి. మరికొన్ని సందర్భాల్లో ఇవి సామాన్యుల పనులకు ఆటంకం కలిగిస్తూ భద్రతాపరమైన ఆందోళనలను కూడా రేకెత్తిస్తున్నాయి. ఈ నేపథ్యంలో ఓ రోబో బాలుడి చెంప పగులగొట్టిన వీడియో సోషల్ మీడియాలో వైరల్ అవుతోంది.
చైనాలో (China) ఓ చోట ప్రదర్శన జరుగుతోంది. ఆ సమయంలో పొరపాటున హ్యూమనాయిడ్ రోబో ఓ బాలుడి చెంప పగలగొట్టింది. రోడ్డుపై ప్రదర్శన ఇస్తున్న క్రమంలో డ్యాన్స్ చేస్తుండగా.. బారికేడ్ల అవతల ఉన్నచిన్నారికి బలంగా రోబో చేయి తాకింది. దీంతో ఆ చిన్నారి ఒక్కసారిగా షాక్ అయ్యాడు. ప్రస్తుతం ఈ వీడియో సోషల్ మీడియాలో వైరల్ అవుతోంది. దీనిపై నెటిజన్స్ పలు రకాలుగా రియాక్ట్ అయ్యారు. రోబోతో బీ కేర్ ఫుల్ అంటూ కామెంట్లు చేస్తున్నారు.
