కలం, జగిత్యాల: జగిత్యాల జిల్లాలోని ప్రసిద్ధ పుణ్యక్షేత్రం కొండగట్టు (Kondagattu Temple) శ్రీ ఆంజనేయస్వామి ఆలయం శనివారం ప్రముఖుల రాకతో సందడిగా మారింది. తెలంగాణ హైకోర్టు న్యాయమూర్తి జస్టిస్ ఈ.వి. వేణుగోపాల్, టాలీవుడ్ యంగ్ హీరో వరుణ్ తేజ్ (Varun Tej) వేర్వేరుగా స్వామివారిని దర్శించుకున్నారు. ఆదివారం ఉదయం ఆలయానికి విచ్చేసిన జస్టిస్ ఈ.వి. వేణుగోపాల్ కు ఆలయ కార్యనిర్వహణాధికారి అంజనా రెడ్డి పూర్ణకుంభంతో, వేద మంత్రాలతో ఘన స్వాగతం పలికారు. అనంతరం స్వామివారిని దర్శించుకుని ప్రత్యేక పూజలు చేశారు.అర్చకులు ఆశీర్వచనం అందించి తీర్థప్రసాదాలు, శేషవస్త్రం అందజేశారు. అనంతరం ఆలయానికి వచ్చిన తెలుగు హీరో వరుణ్ తేజ్ కు ఆలయ అధికారులు సాదర స్వాగతం పలికారు.
స్వామివారిని దర్శించుకున్న అనంతరం వరుణ్ తేజ్ మాట్లాడుతూ.. “కొండగట్టు అంజన్న దర్శనం ఎప్పుడూ ఒక గొప్ప అనుభూతి అని, ఇక్కడికి రాగానే మనసు చాలా ప్రశాంతంగా ఉంటుందన్నారు. స్వామివారి ఆశీస్సులు ఎల్లప్పుడూ ప్రజలందరిపై ఉండాలని కోరుకుంటున్నట్లు చెప్పారు. తెలంగాణలో ఇంతటి మహిమాన్విత క్షేత్రం ఉండడం మన అదృష్టమని అన్నారు. తన సినిమా విజయవంతం కావాలని, ప్రజలంతా సుఖసంతోషాలతో ఉండాలని స్వామివారిని కోరుకున్నట్లు వరుణ్ తేజ తెలిపారు. ఈ కార్యక్రమాల్లో ఆలయ సూపరింటెండెంట్, అర్చకులు, వేద పండితులు, ఆలయ సిబ్బంది పాల్గొన్నారు.
Also Read : బిగ్‌బాస్ హిస్టరీలోనే బిగ్గెస్ట్ ట్విస్ట్: కంటిస్టెంట్ కీలక నిర్ణయం!
Follow Us On : WhatsApp
