కలం, వెబ్ డెస్క్ : స్వచ్ఛ హైదరాబాద్ లక్ష్యంగా గ్రేటర్ హైదరాబాద్ మున్సిపల్ కార్పొరేషన్ (GHMC) మెగా శానిటేషన్ డ్రైవ్ (Mega Sanitation Drive) చేపట్టనుంది. నగర వ్యాప్తంగా 300 వార్డుల్లో ఈ కార్యక్రమాన్ని రేపటి నుంచి జనవరి చివరి వరకు నిర్వహించనున్నారు. పరిశుభ్రమైన, పచ్చని నగరం దిశగా డిసెంబర్ 29 నుంచి జనవరి 31 వరకు నగరంలోని 300 వార్డులను కవర్ చేస్తూ జీహెచ్ఎంసీ అతిపెద్ద శానిటేషన్ డ్రైవ్ ను ప్రారంభించనుంది. వ్యర్థాలు, చెత్తా, చెదారం తొలగింపు, ఫుట్ ఓవర్ బ్రిడ్జీలు, ఫ్లైఓవర్లు, రోడ్లు, డివైడర్లు, మీడియన్లను క్లీన్ చేయనున్నారు. సరస్సులు, నాలాలు, పార్కులు, ఫుట్ పాత్ లను కూడా శుభ్రం చేస్తారు. సీ అండ్ డీ వ్యర్థాల తొలగింపు, గ్రీన్ వేస్ట్ మేనేజ్ మెంట్, జీవీపీలను అందమైన సెల్ఫీ పాయింట్లుగా మార్చేందుకు ప్రణాళికలు సిద్ధం చేసిన జీహెచ్ఎంసీ.
అలాగే, శానిటేషన్ డ్రైవ్ లో భాగంగా నగర ప్రజలకు స్వచ్ఛతపై అవకాహన కార్యక్రమాలు చేపట్టనున్నారు. స్కూళ్లలో చిన్నారులు, యూత్ చేత ప్రతిజ్ఞ చేయిస్తారు. ఈ–వేస్ట్(E Waste), పునర్వినియోగ వస్తువులను సేకరించనున్నారు. దీంతో పాటు బహిరంగ ప్రదేశాల్లో చెత్త వేయడం, మూత్ర విసర్జన, చెత్తను డంపింగ్ చేస్తే భారీ జరిమానాలను విధించనున్న జీహెచ్ఎంసీ. క్లెయిమ్ చేయని స్క్రాప్ వాహనాలు తొలగిస్తారు. శిథిలావస్థలో ఉన్న పబ్లిక్ టాయిలెట్లను పునరుద్ధరించి ప్రజలకు అందుబాటులోకి తీసుకురానున్నారు.
మెగా శానిటేషన్ డ్రైవ్ లో భాగంగా రోజువారీగా వార్డు ల ప్రకారం నివేదికలు రూపొందించాలని ఆదేశాలు జారీ అయ్యాయి. కాగా, సిటీలో ప్రతి రోజూ దాదాపు 7 వేల టన్నుల చెత్త పేరుకుపోతున్నది. దాదాపు 22 వేల మంది పారిశుధ్య కార్మికులు పనిచేస్తున్నారు. నాలుగున్నర వేల స్వచ్ఛ ఆటోలు సిటీ రోడ్లపై చేత్తను సేకరిస్తున్నాయి. అయితే, జీహెచ్ఎంసీ పాలకవర్గ పదవీ కాలం ఫిబ్రవరితో ముగియనున్నది. ఈ క్రమంలోనే ఎన్నికలు వచ్చే అవకాశం ఉండడంతో జీహెచ్ఎంసీ ఆ 300 వార్డుల్లో మెగా శానిటేషన్ డ్రైవ్ చేపట్టింది.
బహిరంగ ప్రదేశాల్లో చెత్త వేయడం, మూత్ర విసర్జన, అక్రమ డంపింగ్ చేసే వారికి జరిమానాలు విధించనున్నారు. క్లెయిమ్ చేయని స్క్రాప్ వాహనాల తొలగిస్తారు. శిథిలావస్థలో ఉన్న పబ్లిక్ టాయిలెట్ల పునరుద్ధరించనున్నారు. డ్రైవ్ సందర్భంగా రోజువారీ వార్డు వారీగా నివేదికలు రూపొందించాలని అధికారులు ఆదేశించారు. జీహెచ్ఎంసీ పాలకవర్గ పదవీ కాలం ఫిబ్రవరిలో ముగియనుంది. దీంతో త్వరలో అక్కడ ఎన్నికలు వచ్చే అవకాశం ఉంది. ఈ క్రమంలో GHMC శానిటేషన్ డ్రైవ్ చేపట్టినట్లు తెలుస్తోంది.
Read Also: హైదరాబాద్ పబ్బుల్లో ఈగల్ టీమ్ తనిఖీలు..
Follow Us On: X(Twitter)
