కలం, స్పోర్ట్స్ : ఫిఫా వరల్డ్కప్ 2026లో సరికొత్త చరిత్ర నమోదైంది! టర్కీతో శనివారం జరిగిన గ్రూప్-డి మ్యాచ్లో పరాగ్వే ఆటగాడు మాటియాస్ గలార్జా (Matias Galarza) సంచలనం సృష్టించాడు. మ్యాచ్ ప్రారంభమైన కేవలం 65 సెకన్లలోనే లాంగ్ రేంజ్ నుండి అదిరిపోయే గోల్ కొట్టి, ఈ టోర్నమెంట్లోనే అత్యంత వేగవంతమైన గోల్ చేసిన ఆటగాడిగా రికార్డు సృష్టించాడు. అంతకుముందే స్కాట్లాండ్పై మొరాకో ఆటగాడు ఇస్మాయిల్ సైబారీ 72 సెకన్లలో గోల్ చేసి ఈ రికార్డు అందుకోగా, గలార్జా దాన్ని వెంటనే బద్దలు కొట్టడం విశేషం.
మరోవైపు ఐదుసార్లు ప్రపంచ ఛాంపియన్ అయిన బ్రెజిల్ జట్టు ఫామ్లోకి వచ్చింది. అంతకుముందు శుక్రవారం హైతీతో జరిగిన మ్యాచ్లో బ్రెజిల్ 3-0 తేడాతో ఘనవిజయం సాధించింది. మొరాకోతో జరిగిన మొదటి మ్యాచ్ డ్రా అవ్వడంతో విమర్శలు ఎదుర్కొన్న బ్రెజిల్, ఈ మ్యాచ్లో పూర్తి ఆధిపత్యం ప్రదర్శించింది. స్టార్ ప్లేయర్ నెయ్మార్ గాయం కారణంగా దూరం కాగా, కోచ్ అన్సెలొట్టి జట్టులో కీలక మార్పులు చేశారు.
మ్యాచ్ 23వ నిమిషంలో మథ్యూస్ కున్హా బ్రెజిల్కు మొదటి గోల్ అందించాడు. ఆ తర్వాత వినీషియస్ జూనియర్ ఇచ్చిన పాస్తో కున్హా రెండో గోల్ చేశాడు. మొదటి హాఫ్ ముగిసేలోపే వినీషియస్ జూనియర్ మూడో గోల్ కొట్టి బ్రెజిల్ విజయాన్ని ఖాయం చేశాడు. అమెరికా ప్రభుత్వం విధించిన ఆంక్షల వల్ల హైతీ నుండి అభిమానులు రాలేకపోయినా, స్థానిక ప్రవాసులు హైతీ జట్టుకు మద్దతు పలికారు. ఈ ఓటమితో హైతీ టోర్నీ నుండి నిష్క్రమించింది.
Read Also: గంభీర్పై శ్రీశాంత్ సంచలన ఆరోపణలు..!
Follow Us On: X(Twitter)
