కలం, వరంగల్ బ్యూరో: కాంగ్రెస్ ప్రభుత్వం మొక్కజొన్న రైతులకు బస్తాల కొరత తీర్చలేకపోతోందని మాజీ మంత్రి ఎర్రబెల్లి దయాకర్ రావు (Errabelli Dayakar Rao) విమర్శించారు. గురువారం పాలకుర్తి (Palakurthi) వ్యవసాయ మార్కెట్ యార్డ్ను సందర్శించి రైతులతో మాట్లాడారు. కాంగ్రెస్ ప్రభుత్వం రైతుబంధు ఇవ్వకపోగా, రైతులు పండించిన పంటలకు మద్దతు ధరకు కొనడం లేదని మండిపడ్డారు. ఇది ముమ్మాటికీ రైతు వ్యతిరేక ప్రభుత్వమని ఆయన విమర్శించారు. వారం రోజుల నుంచి రైతులు ఎండలో పడిగాపులు కాస్తున్నామని కన్నీరు పెట్టుకుంటున్నట్లు తెలిపారు. ఈ ప్రభుత్వం ఇప్పటికైనా మొద్దు నిద్ర వీడాలన్నారు.
రాష్ట్రంలో 11 లక్షల ఎకరాల్లో మొక్కజొన్న (Maize) పండితే, సగం కొనుగోలు కేంద్రాలు కూడా ప్రారంభం కాలేదన్నారు. మక్కల మద్దతు ధర రూ. 2400 ఉంటే రూ. 1600-1700కే అమ్ముకుని రైతులు మోసపోతున్నారని ఆవేదన వ్యక్తం చేశారు. ఇప్పటికైనా ప్రభుత్వం మొద్దు నిద్ర వీడి, మక్కలు కొనుగోలు వేగవంతం చేసి రైతులని ఆదుకోవాలని ఎర్రబెల్లి (Errabelli Dayakar Rao) డిమాండ్ చేశారు.
Read Also: తేజస్వి సూర్య క్షమాపణ చెప్పాలి: పొన్నం
Follow Us On: X(Twitter)
